She’s got the look

Ndërsa “Sex and the city - the Movie” pushtoi sallat e të gjithë Evropës, Sarah Jessica Parker vazhdon ende turin e intervistave dhe takimeve mondane. Ja dhe look-u i saj i vjeshtës. Një xhaketë e zezë sipër xhinseve skinny, me sandale stil plateau, çantë me detaje të arta dhe një çantë për shopping i vë vulën një look-u dimëror, i gjithi për t’u kopjuar. Carrie Bradshaw do t’i jepte një OK.

Pedro Garcia

Model “Paola” në material kastori me takë tape

260 €

 

Café Noir

Çantë me rrip të gjatë, i punuar me gërshet, me detaje të metalta

102 €

 

 

G-Star

Kapardinë e zezë, me xhepa anësorë dhe butona prej metali.

250 €

 

 

Parasuco Cult

Pantalona slim-fit, material xhins me xhepa anësorë, që mbyllen me zinxhir

174 €

 

Very Simple

Kanotierë prej pambuku të zi, me qenush të qëndisur

49 €

 

Miu Miu

Çantë prej lëkure viçi, efekt “vintage”, me mbajtëse prej metali ngjyrë të artë

920 €

Si vishet ari?

Xhevahire të trashëguara nga familja, të blera ndër vite apo të dhuruara nga i dashuri. Nëpër sirtarë i kemi të gjitha ca bizhuteri ari, që na pëlqen t’i vendosim çdo ditë ose në raste të veçanta. Ari është chic, unik dhe i çmuar.. por nuk shkon me gjithçka. Ndonjëherë madje është shumë e vështirë që ta kombinosh me bizhuteri të tjera. Zbulo se cilat janë sekretet e përshtatjes së bizhuterive të arta

Ari i verdhë

 

Look

Kujdes! Ngjyra e arit nuk të lejon që ta përshtatësh me çfarëdolloj veshjeje ose stili. Veç të tjerash, bizhuteritë e ditës duhet të ndryshojnë nga ato të natës. Glamour apo chic? Zgjedhja të përket ty!

 

Gjatë ditës

Për të qenë chic, por diskrete

Nëse ke veshur një triko me mëngë të gufuara, vendos në gisht një unazë të hollë, që i bën duart të duken fine. Nëse të pëlqen të vendosësh në qafë një varëse të bukur të hollë, atëherë vish një këmishë jo shumë të hapur. Në çdo rast, mos vendos shumë bizhuteri. Vetëm me një bizhu të artë look-u yt do të jetë më elegant.

Për të qenë fashion

Zgjidh një zinxhir të ndërthurur me gurë, kombinoje me një fustan ose fund të derdhur dhe bluzë me jakë V. Mund të vendosësh edhe një palë vathë ari në formë rrethi. Për të mos e rënduar shumë look-un, mos e ekzagjero me aksesorët, sidomos nëse je pak e kolme.

 

Në mbrëmje

Glamour

Zgjidh një byzylyk ari. Është tendencë dhe gjithmonë shumë seksi kur vishet me një fustan seksi të hapur, në ngjyrë të zezë. 

E matur

Vër një varëse të hollë elegante, që ngushtohet në qafë. Dhe mos harro një dekolte të bukur, duke hidratuar lëkurën me një krem të mirë hidratues.

 

Ngjyrat që shkojnë më shumë me arin e verdhë: kafe, e zezë, gri miu, portokalli dhe ngjyrat pastel, rozë dhe bordeaux.

 

Ari i bardhë

Look

Në përgjithësi ari i bardhë ka një natyrë paksa më casual. Është më modern dhe preferohet më së shumti nga vajzat e reja. Mund të kombinohet me gjithçka dhe të shoqërohet me bizhuteri të tjera.

 

Gjatë ditës

Për të qenë elegante dhe diskrete.

Vendos një unazë dhe një byzylyk prej ari të bardhë dhe kombinoje me një fund të ngushtë treçerekësh dhe një triko të zezë ose të bardhë.

Për të qenë fashion

Mund të vendosësh vërtet çfarë të duash. Madje edhe byzylykë me ngjyra. Thuajse të gjitha ngjyrat shkojnë me arin e bardhë. Megjithatë shmange një look multikolor, sepse bizhuteria e artë do të humbiste në mes të ngjyrave.

 

Në mbrëmje

Glamour?

Vish një fustan me gurë.

E matur

Veshje me dy ngjyra dhe vathë me pikë loti të varur. E thjeshtë dhe seksi.

 

Ngjyrat që shkojnë më shumë me arin e bardhë duhet të jenë të shndritshme. Ngjyrë mjedre, e kuqe, gurkali, kumbull, e verdhë, por shmang portokallinë. Grija dhe e bardha janë perfekte.

Go green!

E preferuar prej stilistëve, e veshur prej personazheve. Ngjyra e shpresës bëhet protagoniste

Thuhet se kush vishet me të gjelbër beson në bukurinë e vet. E pra, modelet që vishen nga stilistët dhe yjet që kalojnë mbi tapet të kuq e ditkan mirë! Bëni mirë të besoni edhe ju. Ose, nëse nuk ju duket e vështirë ta bëni këtë, të paktën vishuni me të gjelbër. A nuk duket se modelja e Badgley Mischka mbi pasarelën e sezonit Vjeshtë-Dimër 2008 e beson verbërisht këtë? A nuk rrezaton ekzaktësisht e njëjta ide nga buzëqeshja e brunes bukuroshe Megan Fox? Ja dhe stilistja Enada At’Nikolla, që e veshur me xhaketë të gjelbër duket se e forcon edhe më shumë idenë se është një ndër bukuritë e veçanta shqiptare. Ndaj, nëse ju duhet pak besim në bukurinë tuaj, ne ju propozojmë disa aksesorë të gjelbër.

 

Aktorja dhe modelja amerikane Megan Fox, duke pozuar për fotografët gjatë premierës së filmit “Eagle Eye” në Los Anxhelos

 

Stilistja Enada At’Nikolla kësaj radhe nuk ua ka besuar veshjen duarve të saj, por ka preferuar një xhaketë të gjelbër prej lëkure, që mban firmën “Belstaff”

 

Fustan mëndafshi, dizenjuar me gjethe jeshile mbi copë të zezë. Badgley Mischka, Vjeshtë-Dimër ‘08

Moda e fundit e kepuceve per kete stine

Sigluar L.V.

Nuk i mungon asgjë çfarë i duhet një emri të madh: tradita, imazhi, ndjekës të famshëm, uniciteti, vlera, fama, një vend i përhershëm në majë dhe sigurisht dhe inicialet, të cilat përmbledhin suksesin: LV

 

150 vjet më vonë se ata që nisën të prodhonin dhe shisnin linjën e produkteve të lëkurës në Paris, logoja Louis Vuitton konsiderohet një “status simbol” dhe është një emër i vlerësuar në botën e modës. Materiali dhe dizenjoja e pangatërrueshme në sfondin ngjyrë kafe me lule dhe figura katërpetalëshe është krijuar në vitin 1896 nga djali i themeluesit Louis Vuitton, Georges, me qëllim për të shmangur kopjimin. U mbështet në modën e kohës për dizenjo japoneze dhe orientale. Shumë prej produkteve të kësaj firme e përdorin ende këtë material dhe dizenjo, ndërkohë që të gjitha, pa përjashtim, kanë inicialet L.V.

Si çdo firmë, dhe kjo e ka historinë dhe themeluesin. Louis Vuitton lindi 400 kilometra larg Parisit dhe në moshën 14-vjeçare u nis për në Paris. Ai e përshkoi distancën në këmbë, duke u ndalur rrugës dhe duke bërë punë të ndryshme që të përballonte udhëtimin. Në moshën 16-vjeçare punoi për një bërës çantash dhe në vitin 1854 themeloi një kompani të vetën, atë që sot, nga viti 1914, njihet si kompania konglomerat LVMH, një kompani franceze e drejtuar nga Bernard Arnault, që hapi dyqanin e parë në Paris, ku tregtoheshin më së shumti çanta udhëtimesh, që dalluan për cilësinë e mirë dhe peshën e lehtë.

Pas vdekjes së Louis Vuitton ishte i biri - dhe më pas nipi - që morën drejtimin e kompanisë, e cila filloi të hapë dyqanet e saj në mbarë botën. Më i madhi për kohën ishte ndërtesa “Louis Vuitton” në Champs-Elysees, ndërtuar në vitin 1914. Kompania i shet produktet vetëm në dyqanet e saj për të mbajtur nën kontroll cilësinë dhe çmimin, duke pasur dhe një linjë shitjeje online. Në vitin 1932 u prezantua çanta Noè, që fillimisht u krijua për të mbajtur shishet e shampanjës. 

Që të zgjerohej linja e produkteve, firma filloi ta përdorë dizenjon e famshme edhe për kuleta, çanta dhe portofola. Audrey Hepburn u shfaq me një çantë të tillë në filmin Charade. Në 1966 kompania lançoi Papillon, një çantë me formë cilindri, popullore dhe sot.

Në vitin ’97 kompania ngarkoi dizenjuesin Marc Jacobs si drejtor artistik të etiketave. Nga viti 2001, Stephen Sprouse, në bashkëpunim me Marc Jacobs, dizenjuan një linjë të kufizuar, që përmbante shkrim grafiti mbi modelin monogram. Shkruhet Louis Vuitton dhe, në disa çanta, edhe lloji i tyre: “Keepall” ose “Speedy”. Një numër çantash, që shkruhen me grafit, por që nuk kanë sfondin monogram, janë prodhuar për disa blerës V.I.P.

Në 2003-shin, Takashi Murakami, në bashkëpunim me Marc Jacobs, projektuan dizenjon e re shumëngjyrëshe të materialit të çantave. Kjo kategori përfshin dizenjon standarde, por në 33 ngjyra, përfshirë dhe atë bardhezi (klasikja është: monograma të arta në sfond ngjyrë kafe). Murakami dizenjoi dhe “cherry blossom”, në të cilin janë vendosur fytyra të qeshura kartoni në mes të luleve rozë dhe të verdha, të stampuara mbi sfondin e njohur.

 

Louis Vuitton kujdeset veçanërisht për linjën e publicitetit dhe ka angazhuar aktore e modele të famshme në fushatat publicitare.

Tradita u thye në gusht të 2007-ës, kur kompania njoftoi se ish-lideri i Bashkimit Sovjetik Gorbaçov do shfaqej në fushatën e radhës publicitare, ku do angazhoheshin dhe Steffi Graf, Andre Agassi dhe Catherine Denevue. Kompania zakonisht përdor reklama të shtypura në revista dhe billborde në qytetet kozmopolitane.

 

Imitime & Co, si t’i njohësh

Disa rregulla të thjeshta për të njohur imitimet nga produktet false

 

1) Dekori formohet nga disa radhë, sipas një rregulli, dhe përmban një lule me katër petale. Një nga imitimet më të njohura e bën lulen me 5 petale. Simboli LV zëvendësohet nga XL ose CF apo diçka e ngjashme.

 

2) Ngjyra e materialit. Po të zgjidhni Vuitton-in klasik ngjyrë kafe me elementë më të qartë, duhet të tregoheni të vëmendshëm, sepse sfondi nuk është ngjyrë kafe i shpëlarë, as si çokollatë.

 

3) Monograma ka gjithmonë një katërpetalësh, që ka brenda një lule e gjendet dhe në shiritat e tjerë (alternon rrethin me lule dhe katër-rrathëshin): poshtë vetëm lule, poshtë alternimi, në mes monograma, poshtë vetëm lule, poshtë alternimi. Kjo është një skemë fikse.

 

Singing in the rain

Simbol i klasit dhe elegancës, e shtrënguar në bel, me jakën ngritur dhe kopsat e dukshme. Është pardesyja, veshja që më shumë se kurrë është kthyer në must-in e gardërobave jo vetëm hollivudiane. Të dhuron një siluetë elegante dhe nxjerr në pah format e trupit femëror. Gjatësia? Sipër gjurit. Ideale për çdo trup

 

 

Një version i lehtë i palltos dimërore, veçse më elegante dhe chic. Stilistët e propozojnë me çdo kusht në gardërobën e pranverës. Pardesyja është veshja ideale për një ditë pune, për fundjava, mbi fustanet e mbrëmjeve, koktejit. Sepse mund të luash me ngjyrat dhe copat sipas rastit. Terital, dantellë, lino, mëndafsh apo edhe materiale për një ditë me shi.

Ajo që ka rëndësi është përshtatja dhe kombinimi me aksesorët. Mjaftojnë një palë syze vintage, një çantë në dorë dhe rripi i shtrënguar mbi bel me një fjongo. Je gati!

 

Më britanike se kaq!

Pardesyja është veshur prej kohësh në mënyrën klasike, glamour. Frymëzimi? Eshtë marrë i gatshëm nga Audrey Hepburn, me rripin të shtrënguar në bel, syze të përmasave të mëdha dhe një fjongo në flokë. Të jetë ndoshta rastësi që firma Burberry Prorsum ka zgjedhur stilin “Swinging London” për fushatën e re të stinës së ardhshme

Shikim në të ardhmen. Si do jetë dimri në 2009-ën

Shikim në të ardhmen. Si do jetë dimri në 2009-ën

Elegancë e projektuar për një grua të fortë. Jaka të përmasave të mëdha, mëngë të dukshme, ngjyra të ftohta dimërore.

 

Kryesisht gri, e zezë, blu, bezhë do të jenë nuancat që do të mbizotërojnë veshjet e krijuara për stinën e dimrit të ardhshëm nga Mirela Nurçe. Veçse kësaj radhe nuk na këshillon nga ndonjë sallë e Piramidës, por nga kryeqyteti i modës botërore, nga Nju-Jorku.

Fashion apo fetish?

Një mjet që tërheq vëmendjen e meshkujve, një armë e fortë joshjeje për femrat, taka e hollë mbetet në majë të preferencave. Përkrah balerinave të sheshta, të rrumbullakëta e të sigurta, në pasarela sfilojnë përherë këpucët e larta turbulluese. Ekstreme, provokuese e marramendëse

Shkopi i hollë mitik poshtë thembrës është një fiksim i përhershëm i femrave. Mjafton një dhjetëshe centimetrash për t’u zhvendosur në një dimension tjetër, ku këmbët bëhen shumë të gjata dhe burrat të bien në këmbë.

Në anën tjetër, takat e larta nuk u japin marrje mendsh vetëm atyre që i veshin. Përkundrazi, bëhet fjalë për një çoroditje të lehtë, nga e cila pak meshkuj mund të mos preken. Me pasoja të paparashikueshme. Nga teknomanët, që nuk kanë nguruar të lidhin fetishin e hi-tech-un, duke krijuar pajisje të frymëzuara nga kjo temë, deri në rastet më të skajshme. Në Londër, për shembull, një burrë sulmon hirushet e tij në rrugë për t’u marrë këpucët me taka shumë të larta. Po t’ju bjerë rasti të shkoni në Londër dhe një i çmendur ju rrëmben këpucët, mos u shqetësoni: është një maniak i fiksuar pas këpucëve. Cili qytet do ishte më i përshtatshëm se Londra për të kënaqur këtë mani?

 

Takat janë fetishi botëror numër një

 

Këmbët janë pa dyshim objekti më popullor i dëshirës seksuale. Paralelisht, këpucët janë elementi i fetishit që zgjat më shumë dëshirën.

Në bazë të shijes mbizotëruese mbi preferencat seksuale, këmba (dhe veçanërisht gishtat) janë objekti më ngacmues i dëshirës. 47% e personave të pyetur në botë pranojnë se parapëlqejnë këtë pjesë të trupit mbi të gjitha pjesët e tjera, që ngacmojnë oreksin seksual. Për sa u përket objekteve jotrupore, humbin pikë të brendshmet (12%) dhe fitojnë pozicion këpucët dhe çizmet (64%).

Sipas “Independent on Sunday”, studiuesit deklarojnë se nuk e dinë si dhe pse zhvillohen preferenca të tilla seksuale.

Cilado qoftë arsyeja e interesit të spikatur erotik për ekstremitet e trupit femëror, në kuadër të erotizmit dhe joshjes, për takat vendi i parë është absolut. “Nga këpucët me taka nis interesi për një grua, një sfidë, një mister për çdo burrë. Sepse asnjë nga ne nuk e di si do përfundojë e gjitha kjo”, është shprehur një nga aristokratët evropianë, i njohur për famën e vet prej donzhuani. Dhe i ka bërë jehonë koreografi dhe balerini i preferuar i Madonna-s, Gwen Stefani-t dhe Ricky Martin-it. “Takat janë seksi. Ka diçka intriguese, shumë çoroditëse t’i shohësh te femra. Gati një felin, absolutisht të bukura. Kur një grua mban taka, ndryshon deri dhe vështrimin. Sy depërtues, të drejtpërdrejtë, sensualë”. Nga bota e modës, Guillermo Mariotto, drejtori krijues i firmës Gattinoni, është i bindur: “Taka është seksi. Është shumë sensuale, sepse e detyron femrën të lëvizë me një lëkundje konstante. Një armë joshjeje, dominimi mbi burrat. Është sikur taka do donte të thyente me ëmbëlsi, me dhunë. Një supremaci “psikologjike”, që ka bërë pjesë gjithmonë në imagjinatën mashkullore”.

Në fund, ja dhe një citim i Madonna-s, që ka deklaruar se do preferonte një palë Manolo në vend të seksit: “Këpucët janë më të mira se seksi, sepse rezistojnë më gjatë”.

Mbulohu me gjethe

Nuk e kemi fjalën për ndonjë gjethe diku në pjesën ballore të trupit. Është fjala për dizenjon më pranverore që ka çelur nëpër copat e derdhura dhe aksesorët e stinës së bukur

Jepi look-ut një lustër

Rikthehet lëkura me lustër, që shkëlqen aksesorët e preferuar. Me këpucë dhe çanta të tilla, me siguri do shkëlqeni më shumë

Dikur mamatë tona i mbanin të mbështjella e të futura në kuti kartoni. Ishin të vetmet këpucë “të mira”, që kishin fatin të dilnin nga rafti vetëm atëherë kur duhej, domethënë në raste shumë, shumë të veçanta dhe sociale. Kishin status të veçantë. Quheshin “këpucët lustrafine”, kryesisht në ngjyrë zezë, të bëra me porosi, me takë të lartë dhe bënin pjesë në “lodrat” e preferuara të vajzave të vogla. Rrallë u kanë shpëtuar këmbëve të tyre të vogla, që vdisnin t’i vishnin sa herë që mamatë nuk ishin në shtëpi. E nëse jeni kapur ndonjëherë duke luajtur me to lojën “si të bëhesh e madhe”, patjetër që nuk keni shpëtuar pa ndonjë dackë të mirë. Kohë të shkuara.

Tani keni rastin të bëni tuajat një palë të tilla. Mos ju duken demode? Si një aksesor i kohëve të dikurshme, që tani nuk mund të jenë kurrsesi tendencë? Ja që janë në tendencë. Lëkura me lustër ndriçon aksesorët më “must” si këpucët e çantat dhe i bën të shkëlqejnë. Tani mund t’i keni tuajat dhe të jeni moderne.  K. S.   

 

« Previous Page — Next Page »