Fytyra përsoset me rregulla

17 sekrete për një fytyrë të përkryer. Nga kubat e akullit (për t’u kaluar mbi fytyrë) në përzierjen e fondotintës (për ngjyrën ideale): make-up artist-ët e sfilatave dhe femrave më të njohura të ekranit rrëfejnë detajet e zanatit 1. Primer-at Quhen kështu produktet që aplikohen para trukut. “Mund të jenë xhelëra të tejdukshëm ose me ngjyrë, që e bëjnë të lëmuar lëkurën, mbushin gropëzat, i japin shkëlqim, rregullojnë prodhimin e yndyrës, sigurojnë qëndrimin e fondotintës”, shpjegon Rajan Tolomei, make-up artist për Max Factor. “Për ne që punojmë me grimin, janë një domosdoshmëri e vërtetë”. Në praktikë, duhet të jenë hapi i parë i rutinës së grimimit tuaj. 2. Arti i higjienës Para së gjithash… “Për të aplikuar fondotintën, ka nga ato që përdorin sfungjer (ideal për fondotintat kompakte), disa gishtat ose furçë për të përhapur ato më të lëngshmet. Ka secila mjetin e saj, por që duhet të jetë rreptësisht personal. Mikrobet ndodhen përherë në duar, fije dhe fibra dhe të gatshme për të shkaktuar puçrra ose irritime”, tregon Donatella Ferrari, make-up artist për Helena Rubinstein. “Këshilloj ta lani furçën dhe sfungjerin të paktën dy herë në javë me sapun me PH neutral dhe ujë të ngrohtë”. 3. Si të zgjedhësh sfungjerin dhe furçën Veglat e zanatit. “Për fondotintën preferoj sfungjerin: përdoret për një kohë më të shkurtër dhe prandaj është më higjienike. Më mirë zgjidh një me fije najloni, sepse thith më pak produkt dhe siguron një aplikim të njëtrajtshëm”, thotë Donatella Ferrari. “Për kë i pëlqen më shumë furça, do qe e përshtatshme një e madhe, me fije të gjata dhe të sheshta”. 4. Ligji i ngjyrave Bëj korrektimin kromatik. “Dhe pse nuk është intuitive, është e nevojshme të dish që e verdha mbulon të kuqen dhe e kuqja mbulon blunë. Pra, për zonën rreth syve, që priret drejt nuancave jeshile-blu, duhet përdorur një korrektor në tone të kuqe dhe, për të mbuluar njollat e skuqura, një korrektor në nuancë të verdhë”, shpjegon Alessandro Bertolazzi, make-up artist i Monica Bellucci-t. 5. Goditjet që zhdukin rrathët e syve E rëndësishme është “të godasësh”. “Zhdukini rrathët e syve me pak korrektor në zonën rreth tyre, më pas përhapni një shtresë të hollë fondotinte, duke rrahur lehtë me mollëza, thotë Bertolazzi. “Pastaj shumojeni drejt pjesës së sipërme”. 6. Shiko mirë etiketën …dhe jo vetëm ngjyrën. “Kush ka lëkurë të thatë, duhet të kontrollojë që fondotinta të jetë hidratuese”, thotë Gina Brooke, make-up artist e Madonna-s dhe drejtore artistike për Shu Uemura. “Kush ka lëkurë të yndyrshme, duhet të përdorë një oil free ose pudër. Për lëkurat mikse, fjala kyç është “ekuilibrim”: thuaju “po” produkteve që ekuilibrojnë përbërjen e zonave të ndryshme të fytyrës”. 7. Kura “pre” Përgatisni lëkurën. “Është thuajse e panevojshme të thuhet: baza do jetë e përkryer vetëm nëse fytyra është pastruar me skrab dhe është hidratuar”, thotë Gina Brooke. 8. Përtacia është e ndaluar Asnjëherë nuk duhet të jesh shumë e zënë për të qenë e bukur. “Rregulli i artë për një bazë perfekte është ta realizosh sipas mënyrës që kërkon. Çdo fazë, nga përhapja e fondotintës, te tamponimi me korrektor e deri te pudra përfundimtare, zbatohet me kujdes”, tregon Bertolazzi. “Pjesa përfundimtare është shumë e rëndësishme: pudra dhe/ose pluhuri i orizit me ngjyrë neutrale, janë truku që të arrihet një lëkurë që shkëlqen”. 9. Rinovimi për orët jashtë orarit Kurrë mos e hiq trukun. “Për t’u përgatitur për mbrëmje, këshilloj të punohet mbi bazën që është”,  shpjegon Rajan Tolomei. “Ndonjëherë mjafton të shtohet një pikë fondotintë, ose të sprucosh pak avuj uji për të hequr tepricat e pudrës. Në këtë mënyrë baza rikthehet përsosmërisht kompakte”. 10. Sekreti anti-papërsosmëri Të korrigjosh me ngjyra më të errëta. “Për të fshehur njolla, puçrra apo probleme të fytyrës, përdor gjithmonë një korrektor më të errët se lëkura jote”, shpjegon make-up artist-i i Monica Belucci-t. “Pastaj, mbi këtë bazë, kalo një të së njëjtës nuancë me lëkurën ose gjithsesi më të hapur. Më beso: njëtrajtshmëria është e sigurt”. 11. Po qafa? Për mos të prishur bazën. “Është vetëm një gabim që gratë nuk duhet ta bëjnë kurrë dhe është më i rëndi: të mos trukosh qafën”. Kështu deklaron Gina Brooke, make-up artist-ja e Madonna-s. 12. Ngjyra e duhur Përziej. “Receta ime personale është të përziesh edhe dy ose tre fondotinta të ndryshme për të pasur nuancën që kërkon”, thotë Gina Brooke. “Po ta gjeni ngjyrën e përshtatshme, mund ta përdorni gjithmonë pastaj”. 13. Veprimi S.O.S. …dhe i bërë vetë. “Në mungesë të një korrektori portokalli, ideal për të fshehur rrathët e syve dhe puçrrat, zgjidhja është të përzihet me një furçë pak korrektor neutral me një buzëkuq ngjyrë mandarine”, tregon Donatella Ferrari, make-up artist për Helena Rubinstein. 14. Nëse qan… Efekt rikuperues. “Sekreti është të lyesh një tampon pambuku me pak krem hidratues, ta kalosh ku loti ka bërë dëmet e tij dhe të vësh sipër fondotintë dhe pudër për ta fiksuar”, shpjegon Donatella Ferrari. 15. Pas festës Kështu fshin gjurmët e një mbrëmjeje të lodhshme. “Sekreti qëndron te një kub akulli që duhet kaluar mbi fytyrë, pas aplikimit të kremit hidratues”, këshillon Tolomei. “Lëkura rifiton një freski të menjëhershme dhe zona më delikate rreth syve rimerr, falë të ftohtit, forcë dhe elasticitet. Kujdes: kurrë mos vepro në këtë mënyrë pas një dushi të nxehtë. Lëkundjet e temperaturës duhen shmangur. 16. Ndryshim! Fondotinta është si një veshje: ndërrohet çdo stinë. “Për të pasur gjatë gjithë vitit fytyrë të përkryer, fondotinta duhet ndërruar si një veshje”, thotë Rajan Tolomei, make-up artist për Max Factor. “Pra, mos u fikso te një produkt i vetëm, po zgjidh përbërje më të plota në dimër dhe me produkte më të lëngshme, të përshtatshme për lëkurë të yndyrshme në verë. Të bësh të kundërtën do ishte si të vishje të leshta në det dhe të pambukta në mal”. 17. Pudra e mamit Pluhuri i hollë ose kompakt nuk është me dëshirë. “Për të fiksuar dhe njëtrajtësuar bazën, nuk mund t’ia dilet pa të! Pudra është hapi i detyrueshëm për të gjitha gratë që dëshirojnë një lëkurë pa njolla dhe një make-up që zgjat”, shpjegon Tolomei. “Ky pluhur, me ngjyrë ose transparent sipas dëshirës, kur aplikohet fillimisht në fytyrë, duket se nuk shkakton asnjë përmirësim: po mjafton të presësh vetëm 15 minuta dhe ja ku vjen mrekullia. Duke u ngrohur nga kontakti me epidermën, përzihet me fondotintën e jep si rezultat një efekt natyral, si lëkura jote”. Diçiturat Parësorët 1. Bazë Le Blanc de Chanel, Chanel 2. Tonifikues Spray për para grimit, efekt liftin, Beauty Flash, Comodynes 3. Shkëlqyes Issima Midnight Star, Guerlain 4. Për lëkurët e skuqura Bazë mbrojtëse. Redness Solution, Clinique 5. Për rrudhat La Base Pro Lancome 6. Për të njëtrajtësuar Korrektor Even Better skin Tone Corrector, Clinique 7. Kundër shenjave të lodhjes Lisse Minute, Clarins Korrektorët 1. Mbulim maksimal Korrektor Unifiance Touch Pro, La Roche-Posay 2. Korrektim zonash Fond de Teint Correcteur Dermablend, Vichy 3. Shumë i lehtë Është kompakt: Maximum Coverage Concealer, Elizabeth Arden 4. Mbulim i përpiktë Për mbulim të menjëhershëm dhe të përpiktë, Smashbox 5. I jep dritë fytyrës Korrektor shkëlqyes dhe mbulues i zonave më të errëta rreth syve, Guerlain 6. Specifik për anët joestetike Quick corrector, Clinique 7. Për më shumë dritë Korrektor shkëlqyes, Clarins Fondotintat 1. Për lëkura të yndyrshme Matt Touch Foundation, Yves Saint Laurent 2. Dy në një Skin Caviar Concealer Foundation, La Prairie 3. Si një rrobë Fondotintë Face Fabric, Giorgio Armani 4. Ristrukturues Face Sculptur Make up, Helena Rubinstein 5. Me pigmente minerale Foundation Retin-Ox Illuminateur, Roc 6. Trajtim me oksigjen (7) Fondotinta e lëngshme Long Wear Detox Biotherm

Ngjyeje furçën në lejla

Rikthehet fuqishëm edhe këtë vit. Me një të veçantë. Pasi ka pushtuar frymëzimin e stilistëve nëpër skica veshjesh, tani bëhet tendencë edhe e trukut të mbrëmjes. Sepse ngjyrës lejla nuk i thua dot jo.. E kemi parë mbi pasarela: lejlaja është përfundimisht një nga ngjyrat e forta të stinës. Është bërë protagoniste edhe e trukut të syve. Jo më e sfumuar në tone, si në vitet e shkuara. Si? Tani ngjyra lelja përdoret në të gjithë qepallën, bashkë me penelin, për të ngopur ngjyrën, dhe krijon një efekt smokey. U shkon të gjitha atyre që kanë sy të kaltër ose të gjelbër. Kombinohet me rimel të zi. Detaje Pasi të kesh vendosur mbi qerpikë rimelin e zi, kalo vetëm tek majat e sipërme një furçë rimeli ngjyrë lejla. Efekt surprizues Vështrimi bëhet magjik, misterioz. Po mbi buzë? Ke vetëm dy alternativa: një buzëkuq kafe në neutral ose një shkëlqyes në nuancë lulevilesh, për një total look të përshtatshëm për në mbrëmje.

Unë jam estetistja ime

Dëshirë për bukuri natyrale? Zgjidh kozmetikën që bën për ty. Për të pasur produkte pa konservantë dhe kimikate, zgjidhja më e mire është të përdorësh thjesht produktet që ke në shtëpi për një trajtim efikas, por edhe ekonomik

Fytyrë, trup dhe flokë: zbulo recetat tona, që mund të realizohen në kushtet e shtëpisë. Për të qenë e bukur natyralisht! 

 

Maska pastruese ekologjike

Lëkurë e yndyrshme duhet të trajtohet me delikatesë, për të mos e përkeqësuar situatën

 

Zgjidhja

Një maskë pastruese dhe forcuese, që shkëlqen ngjyrën, ndalon prodhimin e yndyrës, frenon formimin e pikave të zeza, zvogëlon poret dhe lëkura nuk shkëlqen më.

 

Përbërësit

një tas

3 lugë mjaltë grek

20 cl ujë trëndafilash

6 pika vaj esencial livande, për të ekuilibruar sekrecionet e yndyrës

 

Receta

Përzje mjaltin me 1 lugë ujë trëndafilash dhe 6 pika vaj esencial livande. Vendos një shtresë mbi gjithë fytyrën dhe veçanërisht në zonën T (mjekër, hundë, ballë). Lëre për 15 minuta. Bëj një masazh të lehtë me majat e gishtave. Shpëlaje. Përsërite maskën një herë në javë mbi lëkurë të pastër dhe të thatë.

 

Lëkurë me shkëlqim

Lodhje, stres, vapë, ftohtë dhe lëkura humbet shkëlqimin. Në raste të tilla, ta ekzagjerosh me make-up nuk vlen.

 

Zgjidhja

Një ritual hidratues me dy lëvizje, që duhet përsëritur çdo mëngjes.

 

Përbërësit

një flakon i vogël me pompë (20 cl)

një flakon me ujë lulesh portokalli, me veti hidratuese

10 cl vaj karote

10 cl vaj trëndafilash mosqueta, që rregullon formimin e yndyrës

 

Receta

Çdo mëngjes, për të tonifikuar lëkurën, përdor vaj lulesh portokalli. Përhape mbi fytyrë duke lagur një tampon pambuku. Përzje vajin e karotave me vajin e trëndafilit dhe hidhe përzierjen në flakon. Masazhoje fytyrën me këtë koktej çdo mëngjes, para se të grimohesh. Nëse ke lëkurë shumë të thatë, përdor vaj argani dhe, nëse lëkura është e yndyrshme, zgjidh një përzierje me ujë dhe vaj trëndafilash, për të ekuilibruar prodhimin e yndyrës.

 

Rrathët poshtë syve eliminohen kështu

Do të dukeshim, sigurisht, më të bukura pa to. Por t’i fshehësh poshtë një shtrese të trashë make-up-i, nuk vlen për asgjë

 

Zgjidhja

Një maskë e ftohtë për të shfryrë dhe për të freskuar shikimin.

 

Përbërësit

Bustina të zakonshme çaji

 

Receta

Pasi bustinat t’i kesh zhytur një herë në ujë, hiqi dhe vendosi në frigorifer për rreth 12 orë. Vendos një në çdo sy dhe mbaji për rreth 10 minuta. Aplikoje mbi lëkurë të lagur,  sepse depërton më shpejt. Përsërite trajtimin sa herë që ta ndiesh të nevojshme. Rezultati është i shpejtë dhe befasues.

 

Kur sytë janë të ndjeshëm

Pastruesit klasikë të make-up-it të irritojnë lëkurën dhe nuk e pastrojnë mirë rimelin? Harroji sytë e kuq dhe qepallat e acaruara: zgjidh një produkt natyral dhe delikat!

 

Zgjidhja

Të ëmbël, efikasë dhe hidratues, vajrat pastrues e kanë dhënë provën e efikasitetit. Provoji dhe ti!

 

Përbërësit

një flakon-pompë transparent

një tas i vogël

10 cl vaj recini

20 cl vaj bajamesh të ëmbla

20 cl ujë lulemisri, me veti qetësuese

 

Receta

Përzje në tasin e vogël vajin e bajameve të ëmbla me vajin e recinit, duke i shtuar ujin e lulemisrit dhe hidhe më pas masën në flakonin-pompë, perfekt për të konservuar produktin. Përdore çdo mbrëmje duke lagur një pambuk tamponi.

 

Maska që shkëlqen flokët e thatë

Tharëse, bojë, shampo agresive… flokët humbasin shkëlqimin dhe thahen

 

Zgjidhja

Një maskë ushqyese me fruta, e pasur me fibra dhe vitamina.

 

Përbërësit

një mango

një pjeshkë ose një kajsi

2 lugë vaj ulliri

kos

një lugë drithëra

 

Receta

Kalo në mikser frutat, kosin dhe drithërat, shto vajin e ullirit dhe aplikoje përbërjen mbi flokë. Lëre për 30 minuta. Shpëlaje me ujë të bollshëm dhe lëri flokët të thahen pa përdorur tharëse.

 

Që flokët biondë të shkëlqejnë

Të lyer apo jo, flokët biondë tentojnë të duken të fikur dhe pa gjallëri.

 

Zgjidhja

Një trajtim i veçantë, ekstra dhe delikat

 

Përbërësit

një tenxhere  

një tas

një kullesë e vogël

një bustinë lule kamomili

lëng nga një limon

mundësisht një ditë e bukur me diell

 

Receta

Kamomilin vëre të ziejë për 20 minuta në ujë të vluar, lëre të ftohet për 20 minuta të tjera dhe pastaj kulloje. Hidhe ngadalë lëngun mbi flokët e larë, duke e mbledhur sërish ujin që bie në një enë. Shtoji ujit lëngun e limonit dhe hidhe sërish mbi flokë. Lëri flokët të thahen në diell, për të shtuar efektin ndriçues. Përsërite 1-2 herë në muaj.

 

Zgjidhja biologjike për flokët e yndyrshëm

I lan, i lan, i lan por ato janë përsëri të yndyrshëm! T’i lash shpesh flokët me yndyrë s’bën gjë tjetër veçse e përkeqëson situatën.

 

Zgjidhja

Një vaj kurues që stimulon lëkurën dhe limiton prodhimin e yndyrës.

 

Përbërësit

Vaj Neem-i, një përbërës i mrekullueshëm, i përdorur prej shekujsh në kurat e bukurisë.

 

Receta

Është e mjaftueshme që të aplikosh disa pika vaj Neem-i në lëkurën e kokës dhe të masazhosh me delikatesë rrënjët. Kujdes të mos irritosh lëkurën duke provokuar efektin e kundërt: duke shtuar sekrecionin e yndyrës. Lëre në qetësi për disa minuta, shpëlaji dhe laji më pas flokët me shampo. Përsërite trajtimin 1-2 në muaj, jo më shumë.

 

Anticeluliti i gjelbër

Celuliti, qoftë me origjinë hormonale apo gjenetike, është gjithmonë shumë i vështirë për t’u eliminuar: duhet luftuar çdo ditë dhe jo vetëm para se të shkosh në plazh.

 

Zgjidhja

Një zgjidhje anticelulit dhe një masazh me një vaj të bërë në shtëpi, që parandalon shtimin e lëkurën së portokallit.

 

Përbërësit për vajin

një flakon prej 50 ml

12 cl vaj bajamesh të ëmbla

5 pika vaj esencial qitroje

5 pika vaj esencial livande

disa pika ekstrakte dhe gjethe dredhke

 

Për ekstraktin

një tenxhere

një mikser

10 gjethe dredhke

5 pika vaj bajamesh të ëmbla

 

Receta

Zieji gjethet e dredhkës në ujë të valuar për 20 minuta. Shuaje flakën dhe lëre të ftohet për 20 minuta. Kulloji gjethet dhe miksoji me pikat e vajit të bajameve. Lëre lëngun mënjanë.

Përzje vajin e bajameve të ëmbla me vajin esencial të qitros e livandës me pesë pika ekstrakt dredhke. Vendos gjethet e dredhkës të miksuara mbi zonat me celulit dhe lëri për 30 minuta. Shpëlaji dhe më pas vendos përbërjen me vajra esencialë, pastaj bëj një masazh të mirë që produkti të depërtojë.

 

Pija e një barku pjatë

Stres, hormone, ushqyerje e gabuar… barku i fryrë është një shqetësim i përhershëm, i bezdisshëm e mbi të gjitha antiestetik.

 

Zgjidhja

Një esencë antifryrje, që pihet në mëngjes dhe disa herë të tjera gjatë ditës.

 

Përbërësit

çaj i bardhë ose jeshil

lëngu i një gjysme limoni

 

Receta

Çdo mëngjes, në vend të çajit apo kafesë të zakonshme, pi një filxhan me çaj të bardhë ose jeshil, që i ke shtuar më parë edhe lëngun e një gjysme limoni. Kjo pije dezintoksikuese pastron organizmin. Pije edhe pas një dreke të rëndë ose në çdo rast kur fillon të shfaqet ndjesia e fryrjes.

Foto makiazh i Syrit!!!

 

E bukur në të gjitha stinët

Lëkura është në gjendje të ndiejë çdo ndryshim të stinëve. Përveç stresit emocional, lëkura pëson dhe ngacmime të jashtme. Ndryshimet e temperaturës dhe lagështisë, elementët atmosferikë si shiu, era, dielli ose i ftohti, nuk ndihmojnë sigurisht në ekuilibrin normal të epidermës. Po të shtosh dhe lënien pas dore apo zgjedhjet sipërfaqësore të kurave dhe produkteve kozmetike, rezultati do të ishte: lëkurë e zbehtë dhe e papastër 365 ditë në vit. Por gjithmonë ka një zgjidhje. Ndiqni programin tonë të rigjenerimit.

 Trajtim në tri faza

Një nga gabimet më të zakonshme në trajtimin dhe pastrimin e lëkurës është përdorimi për një kohë të gjatë i së njëjtës linjë produktesh. Qumështi, toniku, kremi i ditës dhe i natës zëvendësohen vetëm kur flakoni boshatiset. Në të vërtetë, për çdo stinë duhet të përshtaten kurat që përdoren për trupin dhe fytyrën. Në qoftë se në dimër shkon shumë mirë një përbërje më e ngjeshur, në verë përshtatet më mirë një hidratues i hollë. Në vjeshtë dhe pranverë, që janë stinë të ndërmjetme, duhet favorizuar rigjenerim i qelizave të epidermës nëpërmjet pastrimeve të thella, hidratimit, kurave, masazheve dhe maskave specifike.

 

Faza e parë: Pastrimi

Lëkura shfaqet shpesh si e mbuluar me një cipë opake që ul shkëlqimin dhe vë në dukje defektet. Kryesisht, pas një vere “det dhe diell’, lëkura është e zbehtë dhe kur nxirja nga dielli nis të largohet, lëkura merr një ngjyrë vërtet të papëlqyeshme. Për të larguar stresin nga fytyra duhet para së gjithash një pastrim i mirë.

Për të paktën një javë është i nevojshëm përdorimi i një detergjenti të mirë sapuni, i cili i vendosur në një gomë të butë dhe i lagur më ujë mund të shërbejë si pastrues shumë i mirë. Veprimi duhet përsëritur çdo mëngjes dhe mbrëmje për shtatë ditët e para dhe duhet vazhduar gjithë muajin vetëm në mbrëmje. Në qoftë se dëshironi, mund të siguroni një pastrim të mirë me mënyrat e vjetra, por të vlefshme shtëpiake. 

Pasi pastrohet fytyra në thellësi, kalon mbi të një tampon pambuku të zhytur në tonik. Pastaj e lë të thahet vetë dhe ditën vendos një krem hidratues, kurse natën një krem ushqyes. Mbi lëkurat mikse dhe të yndyrshme në vend të kremit ushqyes përdoret një  pastrues. Për të përftuar rezultate të shkëlqyera, këshillohet përdorimi i një maske kozmetike  që aplikohet në mbrëmje, një ditë po, një ditë jo, për shtatë ditë. Pastaj dy herë në javë për 15 ditët pasuese dhe pastaj një herë në javë rregullisht. Për të favorizuar veprimin e maskës në lëkurë, është mirë që para aplikimit fytyra të lahet me ujë të ngrohtë dhe detergjent qumësht dhe kur është ende e lagur të masazhohet me lëvizje rrethore. Shpëlahet më pas me ujë të ngrohtë  të bollshëm, dhe thithet me një peshqir të pastër pjesa e mbetur të ujit. Vetëm në këtë fazë mund të vendoset një shtresë të bollshme maske dhe lihet të veprojë për kohën e duhur. Koha e qetësisë është mirë të respektohet deri në sekondën e fundit. Më pas fytyra lahet dhe pastrohet me detergjent pastrues për lëkurën çdo mbetje e maskës.

 

Faza e dytë: Trajtime specifike

Mbi një lëkurë plotësisht të pastër çdo trajtim kozmetik jep rezultate optimale. Është e rëndësishme të zgjedhësh produktin specifik më të përshtatshëm për nevojat e lëkurës. Para së gjithash duhet të dish ç’lloj produkti të zgjedhësh dhe ku. Ekzistojnë mundësi të ndryshme: Nga produkti natyral, tek ai industrial, nga preparati bimor tek ai kozmetik, nga parfumeria te farmacia…ajo që ka rëndësi është që në rafti mos të mungojë gjë. Më të rëndësishmit janë qumështi dhe toniku, të pazëvendësueshëm për pastrimin e lëkurës. Këtyre mund t’u shtohet një pastrues truku për sytë dhe buzët, i nevojshëm për të hequr buzëkuqin që qëndron gjatë dhe rimelin rezistent ndaj ujit, dhe në rast se nuk duam t’i mungojë gjë repartit “pastrimi i parë”, mund të sprucojmë mbi fytyrën, qafën dhe zonën e dekoltesë me ujë termal, që do të japë një ndjenjë të menjëhershme freskie.

Për pastrimin e thellë nuk mund të mungojnë kremrat me grimca, maska, argjilë e blertë  dhe ndonjë esencë vajore për t’u përzier me argjilën. Nuk duhen nënvlerësuar avujt me bimë, që hapin poret duke ndihmuar lëkurën të nxjerrë papastërtitë, pa harruar që në të njëjtën kohë barërat ndihmojnë për zbutjen e irritimeve të lëkurës.  

Për të përftuar efektet maksimale të avujve, në një enë më ujë të vluar hidhen bimët e marra në dyqanin e kozmetikës (të cilat janë përzgjedhur më parë sipas llojit të lëkurës). Pasi mbulohet kokë me një peshqir, është e këshillueshme që të qëndrosh mbi enë për rreth 10 minuta, duke u përpjekur që avulli të bjerë drejtpërdrejt mbi fytyrë.

Ndërmjet bimëve që shërbejnë si detergjent mund të shërbejë kamomili, si freskues do të ishte iedal limoni, gjethet e mentes dhe portokalli i hidhur, kurse për shenjat mund të përdoret një bimë e veçantë që quhet  ylang ylang.

Për përgatitjen e maskës me argjilë janë të këshillueshme esencat vajore: për lëkurë të yndyrshme mund të zgjidhni  rozmarinën; për lëkurë të thatë, por të papastër, besojini nga ekstraktit të trëndafilit ose i kamomilit.

Pas avullit lëkura është vërtet e pastër dhe ka nevojë për disa minuta qetësi, duke e masazhuar në mënyrë delikate me mollëzat e gishtave dhe duke vendosur një krem hidratant mbi fytyrë dhe qafë deri në përthithjen e plotë.

 

Faza e tretë:  Dieta kozmetike

Gjithsesi bukuria vjen gjithmonë nga brenda. Ja përse për të pasur një lëkurë të shëndetshme dhe me shkëlqim nuk mjaftojnë vetëm trajtimet e jashtme. Në pjesën më të madhe të rasteve një çrregullim i të ushqyerit ose një dietë e varfër në vitamina ose kripëra minerale, qëndrojnë në themel të problemeve më të zakonshme të lëkurës. Lëkura e yndyrshme ose e papastër është simptoma më e dukshme e një të ushqyeri jokorrekt, të pasur me ushqime të yndyrshme dhe shumë të përpunuar, ashtu siç lëkura e zbehtë është sinonim i mungesës së vitaminave. Mjafton të ndryshosh regjimin e ushqimit për të parë efektet e para mbi lëkurë. Mbi të gjitha pini shumë ujë, shtoni perime të freskëta në çdo vakt, zvogëloni sasinë e substancave të përpunuara dhe pijeve alkoolike. Mundësisht hani ushqime të pasura me fibra, kos, fruta të freskëta dhe drithëra. Ideale do të ishte përdorimi i disa përzierjeve bimësh të përgatitura enkas. Shumë nga ato rezultojnë, përveçse të efektshme, edhe shumë të pëlqyeshme, sidomos në dimër kur janë të ngrohta.

Kur përgatisni përzierjen e barërave kini parasysh jo vetëm nevojat estetike, por dhe ato fiziologjike, sepse në rast se vuani p.sh. nga tretja e ngadaltë apo ndonjë shqetësim tjetër, bëjani të ditur specialistit dhe do të merrni një përzierje që mund t’ju ndihmojë në të gjitha frontet.

Hapi i parë është rregullimi i ushqimit, por kjo nuk mjafton. Duhet të zgjidhni një trajtim të përshtatshëm që të përsëritet rregullisht. Maska kundër plakjes, hidratues të thellë, kremra me vitamina A ose E… nuk ju mbetet veçse të këshilloheni me farmacistin, specialistin e barërave, ose  t’i drejtoheni një estetisti të specializuar ose t’i nënshtroheni  një kontrolli te dermatologu. Çdo produkt që do zgjidhni, kujtohuni që ta përdorni në sasinë e duhur dhe periodikisht, sipas rekomandimeve. Mbani mend që rigjenerimi qelizor kërkon kohë, ja pse për të pasur rezultate të dukshme duhen të paktën 30 ditë. Ta ndërpresësh ciklin në mes, është njëlloj sikur të anulosh çdo arritje të bërë deri në atë pikë, prandaj është e rëndësishme që po e nisët një trajtim, ta çoni atë deri në fund. Disa minuta kushtuar pamjes tuaj, do t’ju dhurojë një ndjenjë të këndshme fizike dhe emocionale. Dihet se për t’u ndier mirë me të tjerët, duhet të ndihemi së pari mirë me veten.

Çele fytyrën me trukun e duhur

Çele fytyrën me trukun e duhur

 

Bezhë shkëqlqyese dhe si rërë, përzierje ngjyrash të zbehta, nuanca të kuqe dhe gri, vija blu: zgjidh trukun e duhur enkas për sytë e tu

 

 

 

Bezhë me shkëlqim dhe ngjyrë rëre

 

Pasi të kesh hequr nga sytë çdo gjurmë lodhjeje, mund të fillosh me trukun. “Në krye të  hit paradës të tendencave të kësaj pranvere është make up-i natyral, me efekt tripërmasor”, shpjegojnë artistët e make ip-it të sfilatave të mëdha evropiane. “Për t’i realizuar nevojitet të përdoren pluhura me ngjyrat e hijes dhe dritës: “Për ta realizuar duhen përdorur pluhura me ngjyra të hijes dhe dritës: bezhë, rërë, e errët, gështenjë. Këto përhapen duke respektuar ngjyrat e qepallës. Pra, nuanca e hapur përdoret pranë qerpikëve dhe ajo e errët në vijën e harkut të syrit”. Për një vështrim më të ëmbël, mund të aplikosh, vetëm në qerpikët e sipërm, një rimel ngjyrë kafë e errët.

 

Ne të këshillojmë:

Në rast se do që truku të qëndrojë më shumë, para se të aplikosh pluhurin, lyej gjithë qepallën me një bazë silikoni. Duke e mbajtur lëkurën paksa opake, ai bën që make up-i të qëndrojë më mirë.

 

 

Përzierje ngjyrash të zbehta

Një tendencë e fortë e stinës është ajo e ngjyrave të zbehta, pasaporta të vërteta të make up-it të tendencës. Nuancat si e jeshilja e hapur, bojëqielli e shuar ose e verdha  e zbehtë janë hsuëm të përshtatshme si për paradite dhe për në mbrëmje. “Duhet pasur ama kujdes për përbërjen: është mirë të jenë kremoze, me shkëlqim  dhe paksa metalike”, këshillojnë mjeshtrit. “T’i aplikosh është e thjeshtë: mjafton të përdorësh furçë me fije natyrale dhe të përziesh të paktën dy ngjyra me njëra tjetrën”. Për të thekusar shkëlqimin e vështrimit zgjidh një ngjyrë që kontraston me atë të irisit, për shembull jeshile po të kesh sy blu ose të kuqe po t’i kesh ngjyrë lajthie.

 

Nuanca të kuqe dhe gri

Pasi ishin ngjyrat top për veshjet dhe aksesorët e këtij dimri e kuqja dhe grija bëhen ngjyrat më glamour të makijazhit të pranverës. “Mënyra më e mirë për të përdorur këtë çift triumfator është të formosh “smoky eye”, pra një hije gri rreth syve. Por duhet të jetë më pak e theksuar, më e zbehtë dhe e lehtë se ajo që ishte në modë në dimër. Vetëm kështu në fakt do i japë elegancë fytyrës” këshillojnë specialistët. “Për t’i dhënë dritë vështirmit dhe krijuar vetëtitje të shkëlqyeshme  sekreti është të dizenjosh një pikë të ndriçuar në këndin e brendshëm të syve me një pluhur me ngjyrë të hapur me shkëlqim”.

 

Vija blu

Këngëtarja Amy Winehouse mban në sy një vijë të zezë, të trashë e së fundmi pak të rënë. Për të qenë aktuale, në të kundërt, vija që duhet të bësh ti duhet të jetë e përkryer dhe ngjyra e saj blu e errët, një nga ngjyrat më në modë. “Vija që përdoret tani është e gjatë dhe ngrihet drejt tëmthave. Pradaj mund të bëhet me pluhur: mjafton të përdorësh një aplikator me majë. Me këtë mënyrë,  pastaj është me e lehtë ta pikturosh, sidomos po të duash ta trashësh më vonë, ngjyrë mbi ngjyrë. I shkon më shumë atyre që kanë sy të tërhequr sepse priret t’i rrumbullakosë ato” shpjegojnë specialistët.

…me një përplasje qerpikësh

Pas fustaneve, modelit të flokëve, tashmë e kanë radhën qerpikët. Muzë për mjeshtrit e stilit bëhen përsëri ato: ikonat e shekullit të kaluar. Ja si të ndiesh dive duke e parë botën përmes qerpikësh si të tyret…

Ndërkohë që në jetën e përditshme as që merren në konsideratë qerpikët e Twiggy-t si të kapura me kapëse rrobash, ja që ato, të gjatë, si valë flakësh, rivalizuan femrat e njohura për qerpikët e tyre Marilyn Monroe dhe Elisabeth Taylor. Sytë e tyre të mëdhenj legjendarë janë kthyer në fakt në trend. Gjithandej aplikohet grim i rëndë për të imituar qerpikët e ikonave të shekullit të kaluar. Sytë e artistëve të make-up-it janë hedhur pikërisht në gjashtëdhjetë vitet e fundit për të marrë leksione për qerpikë, që e bëjnë të paharrueshme çdo përplasje qepallash.

Për vështrimin më joshës të botës

Marilyn Monroe është mjeshtrja origjinale e vështrimit paksa të perënduar, ngultas me cepat e syve. Por duke u mbështetur te shkrimet rreth dives, shikimet e saj depërtuese nuk ishin thjesht rezultat i sex-appeal-it të saj të brendshëm. Specialistët shkruajnë se, kur një grua ia ngul sytë dikujt, ajo është e tërhequr prej tij, qepallat e saj ulen në mënyrë të pavullnetshme, duke krijuar pamjen e “syve joshës”.

 

Në shumë pasarela imitohet vështrimi joshës i Marilyn-ës me qerpikë të gjatë e të përhapur. Në sfilatat e fundit të “Seduzioni”, qerpikët dhe buzët e kuqe ishin elementët më të rëndësishëm, që krijonin një stil të vjetër dhe evokonin pamjen e aktores.

 

“Të gjitha zonjat e kohës së Marilyn-it mbanin qerpikë fals”, thonë artistët e make-up-it. “Ajo gjithë pjesën tjetër të grimit e mbante të lehtë, thjesht buzë të kuqe dhe qerpikë sexy në formën më klasike”.

 

Krijo sytë e paharruar të Marilyn-it me qerpikë artificial të pjerrët, që vijnë duke u zgjatur gradualisht në pjesën e jashtme të syve.

 

Për të krijuar qerpikë të kthyer, pa përdorur ato false, apliko një shtresë me rimel, një kthyese qerpikësh dhe një shtresë tjetër vetëm në këndet e jashtme.

 

 

…dhe do thonë: më pa një engjëll

Twiggy kishte atë pamjen e pafajshme-por-joshëse, që vetëm ato perëndeshat thatanike (dhe një adoleshente 16-vjeçare) mund ta ruajë. Duke u mbështetur te autorët që shkruajnë rreth stilit, qerpikët e gjatë e të ndarë, në fakt, bëjnë një fytyrë të rritur të ketë përpjesëtimet e fytyrës së një fëmije, që i shton ëmbëlsi dhe rini fytyrës së një gruaje.

Qerpikët e dyfishtë përdoren nëpër disa sfilata ku modelet ngjajnë si kukulla duke përdorur shumë shtresa rimeli në qerpikët e sipërm dhe të poshtëm për më shumë impakt.

Për të pasur rezultatin e pamjes së Twiggy-t, zgjidh një rimel që u jep shumë gjatësi qerpikëve, por nuk u shton volum. Mbaje bishtin e rimelit vertikalisht dhe lëri qerpikët që të bashkohen paska për të formuar disa fije më të trasha. Lyeji me një shtresë tjetër rimeli në qendër të qerpikëve për të zmadhuar disi sytë .

Pushtet dhe mister në sy

Sytë e maces së Elizabeth Taylor-it te “Cleopatra” ishin të egër dhe seksi. Qerpikët, që zgjateshin mbi anën e jashtme të syve, bënin që sytë t’i dukeshin më të vegjël dhe më misteriozë.

Në një nga sfilatat e Dior-it, make up-i u mbështet te pamja e viteve ‘60 të Taylor-it, duke shtuar dramacitetin me anë të qerpikëve fals, të vendosur rreth gjysmë centimetri poshtë vijës së poshtme të qerpikëve dhe penel gjysmë centimetri mbi vijën e qerpikëve të sipërm.

Për të krijuar një version të përshtatshëm të kësaj pamjeje, mjeshtrit e trukut këshillojnë të përqendrohemi në qerpikët e këndeve të jashtme të syve. Përdor një kthyes të vogël qerpikësh, mbaje para tharëses së ndezur të flokëve për pak sekonda për ta nxehur – për të krijuar kthesat dramatike të qerpikëve.

Lyej qerpikët me një rimel të zi intensiv – Dior ka një nuancë të thellë të së zezës – duke aplikuar një shtresë në gjithë qerpikët dhe duke i rënë disa herë në këndet e jashtme për t’i theksuar dhe zgjatur nga jashtë.

 

 

Për sy dramatikë

Sytë e Bette Davis-it ishin të famshëm për dramacitetin dhe intensitetin e tyre dhe truku i saj, që krijonte sy të mëdhenj, e bënin të bukur dhe të angazhuar. Sytë e mëdhenj të japin idenë që je e interesuar për dikë, që sinjalizon një ftesë për ata që të afrohen.

Në sfilatën e Tracy Reese, qerpikët e modeleve ishin theksuar për të krijuar volum ekstra rreth syve, pa u fokusuar mbi një zonë të caktuar: rimel i dendur në qerpikët e poshtëm dhe hije e tymtë pluhuri për të zmadhuar sytë më shumë.

 

Qerpikët e zinj bëjnë që e bardha e syve të ketë më shumë dritë, shenjë e shëndetit dhe rinisë. Në qoftë se përton që të aplikosh rimel çdo ditë, mund të përdorësh një ngjyrues që fikson qerpikët për disa ditë ose të bësh extension qerpikësh, që zgjasin disa javë.

 

Diçitura:

 

Rimel i zi Lancôme Virtuôse

Kthyes i vogël qerpikësh Shu Uemura

Rimel Dior Iconic

Fiksues qerpikësh që qëndron 4 ditë Tarte

Buze plasur?

Keshilla nga artiste te makiazhit se si te zjasim ndicimin e buzeve gjat gjithe dites.

1. Per te hequr lekure e thare mbi buze, mer nje furce dhembesh te lagur edhe pastroj buzet me te. Pastaj lyej me nje zbutes per buzet.

2. Tani lyeni buzet me buzekuq ose me ndonje produkt tjeter per ta perdorur si basen e ndricimit ( lip gloss), keshtu qe dhe po u fshi lip gloss mbetet ngjyra e buzekuqit.

3. Kur bleni lip gloss provojeni ne dyqan sepse po qe shume i holle nuk mban gjat, fshihet shume shpejt vetem duke ngrene. Zgjithni nje qe eshte me e trashe sepse ato zjasin me shume.

4. Gjithashtu, kur jeni duke blere lip gloss, zgjidhni ngjyra natyrale qe ngjajne me ngjyren e buzeve tuaja natyrale. Keto ngjyra duken me bukur.

5. Dhe se fundi, lyeni buzet me lip gloss edhe pa frike se te fshihet.

Makiazh veror 2008

Moda makiazhit veror 2008, trendi veror eshte ngjyra nga me te celura, manushaqe, roze e hapur, bojeqelli, jeshile ndezur, dhe buzet ngjyre rose te hapur.

Zbrit 10 Vite nga Mosha

1-Vizatoni konturin e gojes.
Per te treguar 10 vite me pak nuk sherben kirurgu plastik.Mjafton te rregulloni konturin e buzeve. “ese goja eshte e definuar mire, rrudhat nuk duken shume dhe konturet e fytyres ngjajne me tonike” shpjegojne specialistet e make up-it. Mund te perdorni nje laps me te njejten ngjyre per buzet.

2-Hidratoni floket.
Te kesh fytyren e ndritshme nuk eshte vetem ceshtje lekure.Edhe floket kane rolin e tyre. Sa me te shndritshem te jene, aq me shume reflektojne drite mbi lekure. Strategjia me e mire eshte te perdorni produkte qe i ben floket te leshuar qe te shkelqejne.

3-Zbardhoni buzeqeshjen.
Dhembet e bukur te bardhe, vene me shume ne evidence gojen duke treguar mire gjithe formen e saj.
Sekreti??
Nje here ne muaj vendosni bikarbonat pluhur mbi furce ne vend te pastes se dhembeve duke i ferkuar dhembet me delikatese.

Next Page »