Një plus një baras… e famshme

Për Aida Bajraktarin, fama nuk është një rastësi fatlume. Nëse fati e sjell një herë, herët e tjera duhen bërë llogaritë mirë, që mos të të rrëshqasë nga duart. Ish-velina e edicionit të parë të “Fiks Fare”, tani në një televizion më periferik, nuk ndihet aspak në periferi të vëmendjes së publikut. Përkundrazi, rrëfen se ky rikthim pa bujë është diçka e mirëmenduar. E që do t’i shërbejë për një karrierë solide.

Edhe një ditë tjetër nga më të nxehtat e kësaj vere. Në rrugët që përvëlojnë nga zhegu, askush nuk guxon të dalë për qejf, vetëm nëse duhet të mbarojnë një punë fort të rëndësishme. Për Aida Bajraktarin, një intervistë për revistën JETA është pikërisht një nga ato punë që duhet mbaruar sido që të jetë: edhe duke rendur nën diellin që djeg për të arritur në kohë te parukierja, ku për fat të keq duhet të presë në radhë; kjo e bën vapën edhe më të padurueshme.

“Për dreq, kjo e sotmja qëlloi një ditë dasmash dhe parukierja është shumë e zënë”, përpiqet të justifikohet në telefon, ndërsa duhet të ishte prej disa orësh në redaksi, kohë në të cilën duhet të kishte mbaruar punë me shërbimin fotografik dhe intervistën. Më në fund arrin të mbarojë punë me grimin dhe krehjen e flokëve. Një i kuq i fortë buzësh i jep dritë syve të mëdhenj të zinj. Flokët e krehur drejt derdhen bukur mbi supe. Edhe veshja duket në rregull. Një fustan i zi, deri në gju, i puthitur pas trupit, tregon linjat e bukura të një ish-balerine.

Duket se ia hodhi me këto andrallat e të përgatiturit për shërbimin fotografik. Në fakt, duhet të përballojë edhe një të fundit: takimi me fotografin ishte lënë në pjesën e parë të ditës, ndërsa ajo është jo pak, por gjysmë dite me vonesë. Por ajo ia del për bukuri ta çarmatosë edhe fotografin dhe padurimin e tij me një shtrëngim të fortë duarsh e një buzëqeshje plot mirësi.

Nuk ka ç’bën! Kjo intervistë është e rëndësishme për të; i duhet bërë kujdesi deri në fund. Deri më sot i ka bërë mirë llogaritë për të arritur aty ku do. Për të fama nuk është një rastësi fatlume, por një fat, që nëse vjen një herë, herët e tjera duhet mbajtur fort që të mos të ikë.

 

Përtej një pasioni fëmije

“Kam qenë 5 vjeç kur kam dalë për herë të parë në skenë”, nis të rrëfejë me qejf të madh, pa treguar shenja lodhjeje, megjithëse vjen menjëherë pas një shërbimi fotografik që zgjati më shumë se 3 orë. “Sigurisht që atëherë kërcimi ishte vetëm pasion, që zgjati 12 vjet. I kujtoj me shumë nostalgji të gjitha veprimtaritë që kemi bërë me Shtëpinë e Pionierit. Fëmijëria ime ka qenë e mbushur plot aktivitete dhe çmime”, tregon Aida, duke numëruar me gishtat e dorës vendet ku ka pasur fatin të udhëtojë që fëmijë për të marrë pjesë në aktivitete të ndryshme. “Kemi marrë shumë çmime. Në Rusi dhe Francë, për shembull, kemi zënë vendet e para me pjesët folklorike shqiptare. Por kjo i përket një periudhe më të vonë se fëmijëria”, vazhdon ajo duke treguar se vetëm 15 vjeç iu bashkua Ansamblit të Bashkisë, duke u bërë kështu edhe pjesëtarja më e re e trupës së valltarëve. Aida e kujton këtë si një periudhë të artë, të mbushur me udhëtime nëpër botë dhe me lodhjen e stërvitjes pesë orë në ditë. “Ansambli i Bashkisë ishte krijuar vetëm për shfaqje jashtë shtetit. Pjesëmarrja në aktivitete shqiptare ishte shumë e rrallë”, tregon arsyet se përse nuk është bërë e famshme për publikun e gjerë që në atë kohë. Ama ajo kohë do t’i shërbente shumë më tepër, ishte rruga e duhur për të shkuar drejt “Fiks Fare”.

 

Si velinë? Fiks fare

“Para se të bëja një audicion për t’u pranuar si velinë në “Fiks Fare”, isha pjesë e trupës së baletit “Albi Nako Dance”. Ka qenë Albi që më propozoi të bëja një provë. Konkurrenca ishte e madhe. Megjithëse ky audicion nuk ishte bërë publik, ishin paraqitur dhjetëra balerina për të konkurruar. Më zgjodhën mua dhe Edën, ish-kolegen time”, kujton Aida.

E sigurisht, të qenit të para femra të veshura me pantallona të shkurtra, që kërcenin e buzëqeshnin ëmbël në një emision që u bë menjëherë kult në televizionin më të ndjekur, të bën menjëherë të famshme. “Një eksperiencë nga më të bukurat”, thotë ajo. “Besoj se ajo periudhë si velinë ka qenë dhe kulmi i famës. Për mua dhe Edën shkruan edhe mediat italiane, na ftuan të merrnim pjesë në emisionin “Terra” te Canale 5, ku performuam direkt në skenë”.

Por si çdo gjë e bukur, edhe kjo e pati një fund. Pikërisht atëherë kur popullariteti qe në majë, Aida u zhduk nga ekrani… Në vend të saj dhe koleges bionde, qe radha për t’u bërë e famshme një tjetër vajzë brune dhe një tjetër vajzë bionde… Aidës i duhej të merrej me një tjetër gjë. “Aty i thashë stop baletit. Duhet t’i jepja fund një ditë; nuk kishte ç’të më ofronte më. Baleti e ka jetën e shkurtër dhe unë kisha plane të tjera në mendje: fillimisht do të shkëputesha për ca kohë nga ekrani, por jo përgjithmonë, për t’u rikthyer më e kompletuar”. Me kompletim Aida nënkupton shkollimin. I saji do të ishte për dramaturgji.

 

Rruga drejt famës së dytë

“Nuk kam pasur kurrë ndërmend të bëhem aktore profesioniste. Por e dija që një shkollë e tillë do të më hynte në punë për të krijuar një profil të plotë në showbiz”, tregon Aida arsyet që e shpunë në Akademinë e Arteve. E megjithëse mori pjesë në disa shfaqje, fitoi disa çmime, mbrojti temën e diplomës me notën 9 (duke interpretuar një personazh të vështirë e kompleks: Vajvara Miljallova te “Kopshti i Qershive” të Çehovit), për Aidën, dramaturgjia përfundon aty. I jep lamtumirën interpretimit me të futur diplomën në xhep.  “Nuk do të ndahesha kurrë nga ekrani, por nuk kisha ndërmend ta bëja si aktore”. Synonte sigurisht botën e spektakleve dhe një vend bosh në televizionin “Alsat”, në një emision të përditshëm me lajme kulturore – që më parë ishte drejtuar nga Anjeza Maja – ishte ajo që duhej. “Kam kontaktet e mia në disa televizione të rëndësishme dhe me të zbuluar që kërkohej një moderatore për showbiz, mendova se ky ishte rasti im, një shans që nuk duhej humbur. Bëra një audicion si moderatore. Më pëlqyen, prandaj fillova menjëherë punë”, tregon ndërsa fytyra i merr gjithnjë e më shumë një shprehje kënaqësie.  

Kemi arritur në atë pjesë të historisë që asaj i pëlqen më shumë. “Nuk shkova në “Alsat” për të qenë një drejtuese e thjeshtë. Prandaj propozova një projekt më të rëndësishëm se showbiz-i, që u pëlqye dhe u miratua”. Projekti i parë i rëndësishëm i Aidës titullohet “Shpirtra të lirë”, një emision i përjavshëm, me lajme kulturore nga vendi dhe bota, ku ish-velina është në rolin e skenaristes, regjisores, gazetares dhe moderatores. “Një emision që unë e kam shumë për zemër dhe ku mendoj se tregoj vlerat e mia edhe si gazetare”, përpiqet të theksojë statusin aktual ish-velina, atë të gazetares dhe të moderatores. Se sa ia ka arritur qëllimit, do ta tregojë sigurisht koha… Dhe nëse arritja apo jo e qëllimit do të mund të matej me nivelin e famës, Aida është e ndërgjegjshme që kjo e tanishmja nuk mund të krahasohet me të dikurshmen. Por kjo pak rëndësi ka për të. E rëndësishme është që ajo të rikthehet në qendër të vëmendjes. Prandaj ia vlen, madje shumë, të lërë qetësinë dhe freskinë e shtëpisë për t’u marrë me një intervistë.

Të lindësh e bukur është fat

Të bëhesh është Alketa

 

Dikur njihej si zëri i shkathët i “Top Albania”-s. Tani si një nga femrat më të hijshme të ekranit. Të gjitha të vërtetat mbi çuditë e make up-it dhe gardërobës të sofistikuar… Pa harruar edhe ndonjë ndërhyrje plastike aty e këtu.

Ka pak njerëz në botë, fotot e të cilëve në periudha të ndryshme të jetës duket sikur janë të njerëzve të ndryshëm. Michael Jackson është shembulli më i njohur në botë: fëmijë zezak, që shndërrohet në grua të bardhë. Kurse Alketa Vejsiu është shembulli më tipik shqiptar: prezantuesja e radios që njohu suksesin më të madh në moshën më të vogël, se kishte talentin të thoshte njëmijë fjalë në minutë pa gabime, u shndërrua në një ikonë televizive gjithë sharm, që shkon përtej talentit thjesht të të folurit. Ca ndërhyrje të vogla kirurgjikale, gjetja e modelit të duhur të flokëve, përmbysja fund e krye e gardërobës… Dhe ja, Alketa është.

 

Dikur e fshehur pas zërit

Për Alketën fama erdhi në një moshë fare të re. Ende pa mbushur 15 vjeç, ajo ishte zëri më i famshëm radiofonik në Shqipëri. Por kush fshihej pas zërit të bukur dhe misterioz? Dalja në ekran shoi kureshtjen e mijëra fansave, që donin të shihnin folësen e njohur të Top Albania Radio-s. Por imazhi i 15-vjeçares, një nga shoqërueset e Bojken Lakos në këngën “Asgjë e largët”, nuk pati të njëjtin sukses si zëri i saj. Një adoleshente e zakonshme, me syze miopi, flokët gështenjë, në formë presjeje. Përsa i takon stilit të të veshurit ishte ende herët për të bërë një klasifikim.

 

Imazh adoleshentësh

Nëse doni të dini çfarë vishnin adoleshentët e fillimviteve 2000, mjafton t’i hidhni një sy fotove të Alketa Vejsiut. Bluza të shkurtra, mundësisht që tregojnë kërthizën, padiskutim edhe kurrizin; minifunde shumëngjyrëshe, pantallona të gjera ushtarake, pantallona në formë cowboy, xhinse të grisura zbukuruar me zinxhirë e një sërë aksesorësh të tjerë që varen deri në tokë.

Jemi në periudhën ku piercing-u në hundë dhe kërthizë për një pjesë të adoleshentëve konsiderohen si çmenduri. Edhe Alketa nuk guxoi deri në këtë pikë. Por flokët ama i sajoi gjithfarësoj modelesh të çmendura: herë duke krijuar dhjetëra gërsheta të vogla pas koke, zbukuruar me kapëse të vogla shumëngjyrëshe, ose vetëm dy gërsheta të trasha.

Më shpesh i mbajti lëshuar, krehur pa ndonjë model të veçantë, duke fshehur disa defekte në fytyrë. Madje edhe syzet Alketa i përdori për të maskuar në njëfarë mënyrë hundën me kurriz, sepse menjëherë pas operacionit në hundë ajo hoqi dorë nga përdorimi i tyre.

Me ngjyrën e flokëve nuk rrezikoi të eksperimentonte ashtu siç bënin gjithë adoleshentët e tjerë. Qëndroi më tepër te flokët biondë ose në nuanca të ngjashme, si për shembull: gështenjë e hapur, ngjyrë gruri, lajthi etj.

 

Kur kirurgu bën çudira

Takimi fatlum me regjisoren Grabocka i siguroi idhullit të adoleshentëve prezantimin e disa spektakleve rinore. Nga një figurë e mistershme radiofonike, Alketa u shndërrua sa hap e mbyll sytë në ikonë e ekranit. Por ekrani nuk fal defekte, të cilat në radio nuk do të ishin vënë re. Megjithëse me një siluetë të rregullt dhe elegante, figura ideale për të dalë bukur në ekran, Alketa nuk kishte një fytyrë fotozhenike, sidomos për shkak të hundës dhe veshëve. Prandaj kryen dy ndërhyrje kirurgjikale (hundë dhe veshë) të domosdoshme për një fytyrë fotozhenike.

Pas operacionit në hundë, show girl-i e diplomuar për biznes, nëpërmjet një shërbimi fotografik, lançon imazhin e saj. Në foto ajo nuk ngurron të pozojë në profil. Shërbimi fotografik zbuloi një Alketë tjetër, me fytyrë dhe trup modeleje. Flokë në ngjyrë platin deri poshtë supeve, buzë të plota, make-up i fortë që thekson sytë: foto që duken si të prera nga një revistë mode me një modele me tipare të rregullta në fytyrë.

Ky ishte rasti i parë ku Alketa i prezantoi publikut imazhin e ri, mbi të gjitha hundën e re.  

Efekti qe i menjëhershëm. Fytyra e saj tashmë ishte e denjë për t’u bërë imazh publicitar, prandaj edhe oferta të tilla nuk vonojnë. Ajo u bë imazhi zyrtar i dy kompanive prestigjioze në Shqipëri, si dhe pushtoi kopertinat e disa revistave të rëndësishme.  

 

Në kapërcim të moshës

Ndërkohë, vërshuan oferta të tjera për të drejtuar spektakle televizive të rëndësishme, si “Gjeniu i Vogël” apo “100 Këngët e Shekullit”, ku mosha mesatare e publikut i kalon të njëzetat. Edhe Alketa e kapërceu moshën e saj të vërtetë. Kjo gjë ra menjëherë në sy, sidomos në prezantimin e saj gjatë spektaklit “100 Këngët e Shekullit”. Fustane elegantë mbrëmjeje të gjatë deri në fund të këmbëve apo deri në gju, treguan se Lolita e dikurshme u shndërrua brenda një kohe të shkurtër në një zonjushë të vërtetë skene.

Pas një periudhe tërheqje nga ekrani, ku zonjusha Vejsiu bëhet zonjë dhe mama, ajo iu rikthye sërish skenës me një tjetër bashkëpunim me Vera Grabockën, si dhe me një pamje krejtësisht të re, më sensuale dhe më femërore se kurrë më parë. Në spektaklin “Më shumë dashuri”, u duk qartë se Alketa kishte bërë të vetin një stil alla grande damma. Look-u, gardëroba, krehja e flokëve të zonjës Vejsiu, evokuan femrën klasike të viteve ‘40. Ondet e mëdha të verdha sollën në mendjen e publikut aktoren Lana Turner, ndërsa kostumet me funde deri në gju e xhaketa mbi këmishët e lidhura fjongo, kujtuan stilin e Greta Garbos. Tangoja që vallëzoi me kolegun e saj, Emiliano, solli në shqip “Aromë gruaje”: atë të një gruaje vërtet të bukur, pavarësisht se jo me një bukuri 100 % të vërtetë.

 

Foto makiazh i Syrit!!!

 

Dasma: çfarë po dhe çfarë jo

Cilat janë rregullat e përgjithshme të këshilluara për një dasmë perfekte? Si mund të shmangen gafat? Ja disa nga pikat kryesore që duhen pasur parasysh dhe disa të tjera që nuk duhet t’i çoni as nëpër mend

Po

Fustani perfekt: i gjatë, i shkurtër ose pantallona

E bardha mund të përdoret edhe për një martesë të dytë

Kristale të shndritshëm për fustanin dhe aksesorët

Transparencë me masë

Vello e shkurtër ose super e gjatë

Buqetë lulesh me dy ngjyra

Një spilë në flokë

Make-up natyral: sy prej drenushe, por gojë e dukshme

Unaza e fejesës në gisht                      

Për dhëndrin, kostum ose shumë i errët, ose i bardhë

Një lule e freskët në xhaketën e dhëndrit dhe të të ftuarve

Orë platini për dhëndrin

Një foto e të dyve në ftesë

 

 

Jo

Buqetë në formë ujëvare nëse nusja është e shëndoshë

Abronxaturë e theksuar

Syze dhe orë

Çantë

Të brendshme me dantella e tyl në formë frude (rrezikojnë t’u duket forma poshtë fustanit)

Rrip shumë i madh

Manikyr “tronditës”

Smoking (ngelet një veshje mbrëmjeje)

Dorezat e veshura (mbahen gjithmonë në dorë)

Kostum dopiopet

Veshje me shkëlqim, të bardha ose të zeza për të ftuarit

Një parfum shumë i fortë

Një banket që zgjat në përjetësi

Moda e fundit e kepuceve per kete stine

Dieta e ditëve të ftohta

Është sitna gjatë së cilës rritet nevoja për kalori. Pse? Sepse i ftohti duhet të luftohet

 

Produktet bazë që duhen konsumuar gjatë stinës së dimrit janë ato të pasurat më karotina si karotat, kungujt, domatet, patatet, spinaqi, panxhari, brokoli, rrepat. Duhen zgjedhur fruta të pasura me vitaminë C, si agrumet, dhe me vitaminë E, që ndodhet te gruri, frutat e thata, vajin e ullirit dhe patatet. Ka veprim antioksidues dhe përtëritës.

Bashkë me të ftohtit rritet edhe nevoja e përditshme energjetike, sepse një pjesë e kalorive shërbejnë për të mbajtur trupin në temperaturë optimale. Ja përse arrat, lajthitë, bajamet, kikirikët janë të këshillueshme, sepse përmbajnë një sasi të madhe acidesh yndyrore të rëndësishme për membranat qelizore, por dhe për një lëkurë të shëndetshme dhe të re.

 

Mëngjesi

Qumësht i skremuar (150 gramë)

Kafe

1 fetë buke e thekur

Marmelatë ose mjaltë (10 gramë)

 

Ose

 

Kos i skremuar (125 gramë)

Fruta të thata (100 gramë)

Çaj ose kafe me një lugë mjaltë

 

Vakti i ndërmjetëm (ora 11)

Lëng portokalli (150 grami)

 

Dreka

Zgjidh mes:

Spageti me domate dhe borzilok (80 gramë)

 

Pasta dhe fasule (40 gramë pastë; 130 gramë fasule të freskëta; 40 gramë fasule të thata)

 

Sallatë perimesh dimërore në avull:

Lulelakër ose brokoli (100 gramë)

Patate (100 gramë)

Karotë  (100 gramë)

Qepë (100 gramë)

 

Sallatë me:

Kërpudha të prera (100 gramë)

Selino (100 gramë)

Djathë i grirë (100 gramë)

 

Vaj ulliri (10 gramë)

Lëng limoni

Bukë (50 gramë)

1 filxhan çaj i nxehtë me bimë tretëse

 

Pasditja

1 filxhan çaj me 3 biskota

 

Darka

Zgjidh mes pjatave të mëposhtme

-Supë:

1 vezë

Djathë furre (10 gramë)

Lëng mishi

Kripë dhe majdanoz i grirë

 

-Krepa me kërpudha

 

- Kofsha pule me limon:

- 1 kofshë pule

- lëng limoni

- 2 lugë vaj ulliri

- kripë dhe piper i zi

 

- Skallop qengji me verë të bardhë:

- mish qengji (100 gramë)

- verë e bardhë

- vaj ulliri (5 gramë)

- kripë dhe piper

Dhëmbi i parë i bebit tim

Dalja e dhëmbëve është një nga shqetësimet më të mëdha. Mësoni si të kujdeseni për bebin, nga shenjat e para, te përdorimi i furçës së dhëmbëve

 

 

Për disa, dalja e dhëmbëve është një proces i gjatë dhe i dhimbshëm, për të tjerë është histori që zgjat një natë. Dalja e dhëmbëve zakonisht fillon rreth moshës 7 muaj, për disa fillon shumë më shpejt ose më vonë. Të parët dalin dy të mesit poshtë, më pas ata të mesit lart, pastaj dhëmbët anash tyre, fillimisht poshtë dhe pastaj prapë lart. Plasja e dhëmballës shkakton një ngjyrë të mavijosur, por kjo është normale.

 

Si mund ta kuptoni ju që bebit po i dalin dhëmbët? Nga disa shenja të veçanta:

 

Skuqja e fytyrës dhe e mjekrës, ngaqë lëkura laget nga jargët. Për të parandaluar këtë, fshijeni shpesh bebin që lëkura të mbetet e thatë.

Pak kollë. Pështyma  e tepërt shkakton kollë. Mos u shqetësoni nëse bebi nuk ka ndonjë shenjë tjetër ftohjeje apo alergjie. Bebi vazhdon të kollitet, sepse i duket një lojë me zërin.

Kafshimi. Bebi kafshon çdo gjë që i zë dora, që nga dora e vet, gjirin, gishtin e ndonjë të panjohuri, sepse kjo lehtëson dhembjen.

Dhembja. Ka bebe që kanë mjaft dhembje dhe të tjerë që nuk paraqesin asnjë lloj dhembjeje.

Irritimi. Dhembja e vazhdueshme bën që bebi të ndryshojë dhe të irritohet, ashtu si çdokush që vuan nga dhembjet.  

Mospranimi i ushqimit. Bebi duket i uritur, por kur fillon të thithë, dhembja dhe sikleti shtohet, ai shkëputet nga gjiri apo shishja, që i donte shumë më parë. Kjo gjë përsëritet dhe bebi do të ushqehet, por më pas nuk pranon.

Jashtëqitjet e ujshme. Daljet jashtë më të holla mund të shkaktohen nga sasia më madhe e pështymës që prodhohet dhe gëlltitet. Por, nëse bebi del hollë për më shumë se dy herë, duhet të konsultoheni me mjekun pediatër.

Temperatura (37-38 ⁰C) Mjekët s’e pranojnë, por shpesh dalja e dhëmbëve shoqërohet me temperaturë, për shkak të përskuqjes në vendin e daljes së dhëmbit. Konsultohuni me pediatrin, nëse temperatura vazhdon për më shumë se 3 ditë.

Çrregullimet e gjumit. Shpesh, nga dhembja e daljes së dhëmbëve, fëmijës i trazohet edhe gjumi.

Fryrja e mishrave të dhëmbëve. Këshillohen kompresa të ftohta për të ulur vështirësitë.

Tërheqin veshët ose fërkojnë mollëzat. Shpesh dhembja e dhëmbëve shpërndahet në veshë dhe mollëza dhe bebi tërheq veshët ose fërkon mollëzat herë pas here.

Duan të përtypen gjithë kohën. Duhet t’i jepen banane të ngrira, akull të futur në një napë, lodra plastike etj. Edhe thjesht një fërkim i mishrave me to, e lehtëson dhimbjen. Gjithashtu, edhe një fetë molle e ftohtë, e mbështjellë me një napë, mund të ketë efekt qetësues, nëse e vendosim mbi zonën e acaruar.

 

Duan të pinë lëngje të ftohta

Duan të hanë gjëra të ftohta  

Kur asgjë nuk e ul dhembjen, mund të përdorni Paracetamol (Tempra Tylenol). Mos përdorni pije alkoolike, se janë një helm i rrezikshëm për bebin. Edhe një provë e vetme mund të bëjë që bebit t’i pëlqejë dhe të mësohet me to.

 

 

Higjiena e gojës duhet të fillojë te bebet që me daljen e dhëmbit të parë, kur dhëmbi dhe mishrat e dhëmbëve duhet të pastrohen me një garzë të pastër e të lagur. Nga fundi i vitit të parë të jetës, kur bebi ka rreth 8 dhëmbë në gojë, ai duhet të fillojë larjen e dhëmbëve  me furçë dhe me pak ujë. Goja e fëmijës përmban miliona baktere, duke përfshirë edhe streptokokun, i cili është përgjegjës për fillimin e krimbjes së dhëmbëve. Kur një prind fut në gojën e vet lugën me të cilën ai ushqen bebin, rreziku shtohet, sidomos kur edhe vetë prindi ka dhëmbë të prishur. Për këtë arsye, vizita  e parë e fëmijës tek dentisti duhet të bëhet në moshën 12 muaj.

 

Dieta e ushqyerjes ka gjithashtu një rëndësi shumë të madhe për dhëmbët e fëmijës. Në studimet e fundit rekomandohet që qumështi i gjirit të jetë ushqimi i vetëm për fëmijët deri në 6 muaj. Ushqimet e forta mund t’i fillohen fëmijës rreth moshës 6-8 muajsh, zakonisht mbasi fëmijët të kenë fituar një kontroll të mirë të kokës dhe qafës. Në këtë fazë mund të fillohet me miell orizi dhe më vonë me fruta  e perime të shtrydhura. Fëmijët nuk duhet të lejohen që të përdorin për një kohë të gjatë shishe me thithje. Prirja e lëngjeve të frutave për një kohë të gjatë ka të ngjarë të shkaktojë krimbje. Jo vetëm prishja e dhëmbëve, por dhe kequshqyerja dhe shtati i shkurtër janë të lidhura me përdorimin e tepërt të tyre. Duhet që lëngu i frutave t’u jepet në filxhan (jo në biberon) dhe të pihet gjatë ditës, jo para se bebi të vihet në gjumë.

Zakoni i gishtit në gojë

Mbijetesa e fëmijës varet nga aftësitë për të thithur e jo vetëm kaq, por me anë të gojës bebi njeh botën që në barkun e nënës foshnjat thithin gishtin e madh të dorës dhe ky zakon vazhdon edhe më pas, kur bebi për të qetësuar veten (kur është i lodhur apo i mërzitur), fut gishtin në gojë. Në përgjithësi fëmijët heqin dorë vetë nga ky zakon rreth moshës 4 vjeç. Po të vazhdojë ky zakon deri në kohën kur dalin dhëmbët e përhershëm, ekziston rreziku  që të shkaktohen shformime të qiellzës  e të dhëmbëve. Shkalla e dëmtimit varet nga frekuenca, intensiteti, kohëzgjatja e mbajtjes në gojë të gishtit, si dhe pozicioni. Ky zakon mund të ndikojë gjithashtu dhe në defekte të shqiptimit. Frenimi me dhunë i këtij zakoni mund të shoqërohet me probleme në të mësuar, urinimin në shtrat, apo fillim i zakoneve të reja në periudha të mëvonshme.

Nëse fëmija juaj mban gishtin në gojë pas moshës 4 vjeç, ndiqni këshillat e mëposhtme:

Në vend që t’i bërtisni fëmijës kur fut gishtin në gojë, lavdërojeni atë kur nuk e mban gishtin në gojë.

Nxisni fëmijën që të përdorë të dyja duart për të ngjyrosur, për të plotësuar lojëra formuese apo për të bërë gjithçka që mund të mbajë duart  e  tij në aktivitet.

Për ditët që fëmija nuk e fut gishtin në gojë duhet t’i jepni diçka që ai e pëlqen, t’i tregoni një përrallë më shumë, t’i dhuroni një libër.

Nëse fëmija e ka zakon që ta mbajë gishtin në gojë natën, atëherë jepini një lodër.

Fëmija duhet të kujtohet që është mirë mos ta fusë gishtin në gojë. Një fasho rreth gishtit mund ta ndihmojë.

Romantik?! Vetëm në shtrat JO.

Romantik?! Vetëm në shtrat JO. Takimi me të ka shkuar si duhet. Më në fund, po ndiheni e tërhequr prej një mashkulli, që duket se i ka të gjitha. Atij nuk i mungon as sensi i humorizmit, dhe as e shumëpëlqyera xhentilesë. Sigurisht gjëja e parë që bëni është t’ia tregoni me vrap shoqeve sesi ai ju solli një tufë me lule, apo sesi ju dhuroi një puthje të ëmbël duke ju uruar natën e mirë.     Padyshim, këto janë sjelljet tipike të çdo mashkulli, por vetëm sespe ai dëshiron t’ju bëjë të tijën. E ndërsa, në imagjinatën e femrave, trillohen lloj lloj historish romantike me TË, AI, ka të tejra mendime në kokë. Mendimet sesi do të jeni ju në shtrat. Dhe mos kujtoni, se pasi ju keni fjetur me të, quheni zyrtarisht të lidhur. Jo, jo. E vetmja lidhje që ka ekzistuar, ka qenë ajo e organeve tuaja gjenitale. Akoma më keq do të ndiheni, nëse kërkoni që Ai të mbetet ai tipi romantik i fillimit edhe në krevat. Por, më mirë lexoni këshillat e mëposhtme, që megjithëse do t’ju shkundin ca, me siguri do t’ju mësojnë gjëra interesante që duhet t’i mësoni për botën mashkullore.   Atij, nuk mund t’i ndodhë ereksioni, atëherë kur ju teket ju. Sepse, krejt ndryshe nga ç’besohet nga pjesa dërrmuese e femrave, burrat nuk mund të eksitohen, vetëm sepse më në fund ju hoqët dorë, nga të qënit e “ftohtë”. Kini parasysh, se atë e sillni në qejf vetëm ju. Prandaj,  duhet t’i hysh vetë kësaj pune. Puthja nuk duhet të jetë domosdoshmërisht romantike, delikate dhe e ëmbël. Ndonjëherë, puthjet e egra, (qoftë vetëm një prekje e fuqishme me buzët e tij), janë ato të duhurat, kur situata është shumë e nxehtë. Përse na qenka përgjegjësia vetëm e tij, që ju nuk arritët në orgazëm. Ju e njihni më mirë trupin tuaj, teknikat që ju sjellin në qejf. Tregojani pra, atij. Sepse, në të kundërt faji do të jetë vetëm i juaji, nëse ai pas orgazmës është duke shijuar një cigare, ndërsa ju mbeteni me gisht në gojë. Mos prisni ledhatime pas aktit. Meshkujt janë të ndryshëm nga femrat. Seksi për shumë femra, do të thotë një lidhje dhe bashkim shpirtëror më I madh me partnerin. Për meshkujt, seksi është një çështje biologjike. Prandaj, është e kotë, që të bindni partnerin tuaj që të ndjejë të njëjtën lidhje shpirtërore si ju. Pas aktit, me siguri që ai dëshiron të bëjë një gjumë të mirë. Ndërsa ju… Ju dëshironi që t’ju zërë gjumi në krahët e tij. Dakord, nuk është keq për disa çaste të rrini në krahët e njëri tjetrit. Por, qëndrimi për një kohë të gjatë në këtë pozicion, është vërtet I parehatshëm dhe të dy keni për të bërë një gjumë të keq. Atëherë, binduni se gjumi ka rëndësinë e vet, e sa më rehat ta bëni, aq më më mirë do të jetë për të dy. Sepse, kur në mëngjes ngriheni pas një gjumi të mirë, ndoshta ju vjen dëshira të bëni sërish “katla”. Sigurisht femrat, dëshirojnë që I dashuri I tyre, t’i mbushë me trëndafila në çdo takim. Ndonjëherë, kjo është diçka e bukur, madje meshkujt e bëjnë me dëshirë. Por, ndonjëherë, ama. Sepse, t’i kërkoni partnerit tuaj, që t’ju vijë në takim gjithmonë me një buqetë lulesh, është njësoj sikur ai t’ju kërkonte, të visheshit dhe silleshit gjithmonë si pornostar. Nëse, ju nuk e bëni dot gjithmonë pornostarin, mos prisni që ai t’ju sjellë gjithmonë lule. Në shtrat duhet të jeni egoiste. Lërini broçkullat që tregojnë shoqet nëpër kafenera. Seksi, nuk është shpikur për të kënaqur vetëm mashkullin. Prandaj, mendoni në rradhë të parë të kënaqni veten. Mos u mërzisni më kot, sepse gjatë seksit oral, ai në vend tju ledhatojë flokët, ju shtyn me forcë drejt organit të tij.  Nuk e kuptoni dot pse? Shpjegimi është fare I thjeshtë: Ju nuk po e bëni si duhet dhe sidomos jeni treguar të pavëmendshme ndaj sinjaleve të mëparshme. Prandaj, puna arrin deri aty, sa ai t’ju drejtojë lëvizjet (ndoshta edhe me forcë), drejt zonave ku ai përjeton kënaqësinë më të madhe. Pozicioni misionar, nuk është justifikimi I duhur që ju të mos bëni asgjë. Ai nuk zhvishet me delikatesë dhe hijeshi. Sigurisht, sepse ai mezi prêt t’ju hidhet sipër. Por, meqë ju bezdis shumë kjo puna e të zhveshurit, jepini duarve, dhe zhvisheni vetë. Depiloni pjesët intime. Është e vërtetë, që dylli është një torturë e vërtetë kur vjen puna për depilim. Me siguri meshkujve i vjen keq për vuajtjet dhe sakrificat e femrave për të qenë të pastra.  Por, nëse ju nuk tregoni kujdesin maksimal “aty poshtë” atëherë mos prisni t’ju puthin pikërisht aty. Mos kujtoni se pas seksit, vjen dhe bashkimi sentimental mes jush. I vetmi bashkim që ka ndodhur është mes dy organeve gjenitale. Ai nuk e kupton se çfarë ndjeni vetëm nga rënkimet tuaja. Thuajani me fjalë çfarë kërkoni prej tij. Keni dëgjuar ndonjëherë një regjistrim të zërit tuaj gjatë aktit seksual? 67% e femrave që e kanë bërë diçka të tillë, nuk kanë mundur të dallojnë nëse rënkimet janë bërë gjatë aktit seksual apo se kanë përplasur kokën pas tavolinës dhe kanë ulëritur nga dhimbja. Ti preferon seksin e sigurtë. Atëherë, mbani gjithmonë një pako prezervativ me vete. Përse duhet domosdoshmërisht që ai të merret dhe me masat mbrojtëse. Mos harroni se për çdo rast, vetëm ju rrezikoni të mbeteni shtatzanë. Në rastin  më të keq, mund të rrezikoni  sëmundje të pashërueshme si AIDS. Pak fantazi nuk I bën keq njeriu. Prandaj nëse ai ju flet me fjalë të pista, nuk keni pse mërziteni. Ai ju ka respektuar gjithë kohës. Por nëse ju thotë “kuçka ime” në shtrat, mos u shqetësoni, sepse këto janë forma përkëdheljeje. Ai do të tregojë se është i eksituar. Me siguri të nesërmen, ju nuk do të jeni më “kuçkë”, por princesha e tij. Spontaniteti nuk duhet refuzuar asnjëherë. Duket e vështirë, por seksi jashtë dhomës së gjumit, ndonjëherë sjell kënaqësinë më të madhe. Ai nuk ka fare dëshirë ‘ju zhveshë. Nuk e kuptoni dot që Ai e konsideron një torturë të vërtetë, zbërthimin e lloj lloj reçipetash. Ndihmojeni të paktën, për ta bërë këtë punë. Të jeni të sigurta, se të zhveshurit në errësirë, atij nuk do t’i pëlqente aspak. Dakord, ndiheni në siklet sidomos herën e parë, kur zhvisheni para tij. Por, të paktën, zhvishuni nën një dritë të zbehtë. Lëreni të kënaqë syrin me sadopak. Mos refuzoni pozicionin, kur ju jeni sipër. Përse pritet që gjithçka duhet ta bëjnë meshkujt? Tregojani qartë se çfarë ju pëlqen ose jo gjatë aktit. Sepse, nëse ai ju pyet për diçka dhe ju përgjigjeni me një pyetje tjetër duke qeshur, atëherë me siguri ai ka për ta marrë si pohon, dhe pa ju pyetur, ja ku ndodh një penetrim anal, që nuk e pëlqeni aspak. Pastaj, ndiheni të fyera, të shfrytëzuara etj etj. Por, në këtë mes, faji është edhe i juaji.

Kodi sekret? Ngjyrat

Kodi sekret? Ngjyrat

Tendenca e fundit? Një dietë me bazë ngjyrash. Tani mos llogarisni kaloritë. Shikoni vetëm ngjyrën e asaj që konsumoni

 

 

Sipas zbulimeve të fundit, është arritur në përfundimin se ushqyerja jonë duhet të jetë me sa më shumë ngjyra. Studiuesit flasin për një “Colour Code”,  një regjim të vërtetë dhe fiks në bazë të ngjyrave. Sipas kësaj teorie, përbërësit kimikë, që u japin frutave dhe perimeve ngjyrë, përmbajnë ushqyes që i bëjnë mirë shëndetit dhe bukurisë. Ja disa arsye thelbësore se pse duhet ndjekur dieta që, mbi të gjitha, vë në qendër ngjyrën e lëkurës së frutave dhe perimeve.

 

Blu

Ka bërë histori dieta e Mariah Carey-t, e cila nuk pranonte të hante asgjë që nuk ishte ngjyrë violë. Ushqimet e kësaj ngjyre dhe ngjyrës blu kanë veti antioksiduese, që ndihmojnë në parandalimin e kancerit dhe shqetësimeve kardiake. Ato ndihmojnë edhe në luftimin e efekteve negative të ndotjes, të tymit dhe stresit, të pranishëm në radikalet e lira. Konsumoni sa më shumë produkte në tonet e blusë dhe violës, sepse rrisin energjinë, duke ju bërë më të predispozuar drejt praktikimit të sportit.

 

E kuqe

Edhe perimet dhe frutat e kuqe – domatet, luleshtrydhet, qershitë, shalqiri – përmbajnë në masë antioksidantë që luftojnë kancerin dhe sëmundjet kardiake. Për shembull, rrepat janë të pasura me peroksid, aq të nevojshme në dezintoksikimin e mëlçisë. Një sekret që nuk e keni ditur? Produktet e kuqe, përveç të tjerash, ndihmojnë në ruajtjen e gjendjes së mirë shëndetësore edhe në moshën e shkuar.

 

E gjelbër

Perimet dhe frutat në këtë ngjyrë janë të dobishme në luftimin e lodhjes dhe stresit. Janë të pasura me vitaminë B dhe hekur. Një burim i pashtershëm energjie. Vitamina B ndihmon edhe në prodhimin e hormoneve, ideale për gratë që marrin pilula kontraceptive. Perimet, si lakra, janë të pasura me fibra, që ndihmojnë në tretje dhe luftojnë fryrjet e stomakut. Dhe në fund, për të pasur lëkurë, thonj dhe flokë me shkëlqim, nuk ka gjë më të mirë sesa avokadoja, e pasur me omega 3 dhe magnez.

 

E verdhë dhe portokalli

Për një shikim sa më të pastër nuk ka gjë më të mirë sesa ushqimet që kanë ngjyrën e diellit. Karotat dhe kungujt përmbajnë karoten dhe përbërës të tjerë, që mbrojnë sytë dhe forcojnë sistemin imunitar. Ananasi përmban elementë që favorizojnë tretjen dhe kanë përparësi kundër infeksioneve. Patatja është e pasur me vitamina A dhe C e acid folik, ideale për gratë shtatzëna.

 

E bardhë

Hudhra është ideale për zemrën, sepse ul nivelet e lipideve në gjak, duke parandaluar sëmundjet kardiake. Qepa dhe preshi përmbajnë elementë që ndihmojnë tretjen dhe parandalojnë kancerin në stomak.

Më thuaj ç’shenjë ka të të them si është në shtrat

Nëse doni të mësoni sesi të krijoni atmosferën e duhur në ato momentet intime kur jeni vetëm me të, atëherë besojuni këshillave të yjeve.

Çfarë vlerëson mashkulli i shenjës së Dashit? Si mund të joshësh dikë që i përket shenjës së Binjakëve? Po Peshqit, e dini si mund t’i bëni për vete? Joooo?! Atëherë besojuni këshillave të mëposhtme, të sugjeruara nga yjet.

 

Erotizmi i shenjës së Dashit                  

Meshkujt e shenjës së Dashit janë gati për “sulm” dhe nuk kanë shumë nevojë për t’i ndezur seksualisht. Dëshira e vetme e tyre është: t’i dhurojnë sa më shumë kënaqësi femrës së tyre. Por, nëse nuk e arrijnë këtë gjë, atëherë egoja e tyre mashkullore është  goditur rëndë. Meshkujt e kësaj shenje mund të përshtateten duke huazuar paralojën e zgjatur, ledhatimet dhe fjalët e ëmbla për ta kënaqur sa më shumë femrën e tyre.  

Nuk duhet harruar që meshkujt e shenjës së Dashit preferojnë seksin e shpejtë, por anasjelltas, nuk pëlqejnë femrat që jepen shpejt. Dashurojnë rrezikun, prandaj për ta, sfida paraqet një aventurë. Kjo është arsyeja përse pëlqejnë femrat “e çmendura” dhe sidomos nëse kanë trupa sportivë. Por, në trupin e tonifikuar mirë të femrës, ata kërkojnë edhe disa zona tejet feminile, sepse ata duan të dhurojnë përkëdhelje të buta në këto zona.

Josheni me fantazi dhe trasgresion, pa harruar të brendshmet seksi.

 

Erotizmi i shenjës së Demit                       

Mashkulli i kësaj shenje është tradicional, duke përfshirë edhe dëshirat e tij seksuale. Vendi i preferuar për të bërë dashuri është një krevat i madh dhe i fortë, por me jastëkë të butë dhe një kuvertë të ngrohtë.

Kujdes! Nuk duhet ta shpërqendroni në asnjë mënyrë gjatë aktit, përndryshe rrezikoni të përballeni me egërsinë e vërtetë të një demi. Nëse e ndërprisni, do t’ju duhet ta filloni gjithçka nga e para për të krijuar atmosferën e duhur.

Në fantazitë erotike, meshkujt e Demit kënaqësinë seksuale e lidhin me kënaqësinë e të shijuarit të ushqimeve të mira.

Femra ideale është pasionante, pragmatike dhe që di mirë se çfarë bën. Fantazitë e tij erotike ndizen nga imazhi i një gruaje që lëpin një akullore, kafshon një banane apo përtyp me ëndje luleshtrydhe.

Josheni, duke i gatuar një darkë të shijshme dhe, më pas… drejt kënaqësive të shtratit…

 

Erotizmi i shenjës së Binjakëve                   

Aventurën perfekte seksuale meshkujt e kësaj shenje e imagjinojnë kur zbulojnë një femër misterioze në një grup të saponjohur njerëzish.

Vendi i preferuar për të bërë seks është një dhomë luksoze hoteli, në një shtrat të madh me mbulesa të pambukta, duke pirë shampanjë e duke krijuar temperaturën e duhur seksuale.

Mashkulli i shenjës së Binjakëve është gati për çdo lloj aventure seksuale me një femër që i nxit fantazinë. Femra ideale për të duhet të ketë një pamje elegante, pa komplekse dhe të dijë të flasë bukur.

Josheni me një koktej të përbërë nga fantazia, eleganca, zgjuarsia - pa harruar të shtoni pak luks - dhe ai ka për të lënë kokën pas jush.

 

Erotizmi i shenjës së Gaforres                        

Meshkujt e shenjës së Gaforres gjatë aktit seksual nxiten shumë nga fantazitë erotike. Kreativiteti i tyre manisfestohet në mënyrë spontane nëse gjejnë një partnere që ka të njëjtin sens për “lojëra” gjatë aktit seksual.

Atmosfera e duhur për ta është një ambient i ndriçuar dobët. Nëse nuk gjejnë këtë atmosferë romantike, atëherë preferojnë seksin në vende të hapura, të shkretuara dhe mundësisht pranë vendeve bregdetare.

Meshkujt e lindur nën shenjën e Gaforres nuk çmenden dhe aq pas trupave krejtësisht të zhveshur sesa pas pjesëve të veçanta, që duken nga rrobat e laguara.

Femra ideale duhet të rrezatojë feminilitet, të ketë gjoks të madh e të jetë një femër që pëlqen të përkëdhelë dhe të dhurojë puthje.

Josheni me një parfum të veçantë dhe një palë të brendshme seksi, që zbulohen “pa dashje” nga dekoltetë e hapura apo pantallonat me bel të shkurtër.

 

 

Erotizmi i shenjës së Luanit                         

Meshkujt e kësaj shenje pëlqejnë pjesët misterioze të një gruaje. Madje, në fantazitë e tyre erotike, imagjinojnë një grua me fytyre të mbuluar, e cila nuk flet asnjë fjalë, por vetëm e përkëdhel dhe e puth me pasion.

Meshkujt e Luanit nuk e kanë problem të dominojnë në shtrat. Por, në të njëjtën kohë, i pëlqen edhe të dominohet nga partnerja dhe të luajë rolin e “luanit dembel”, që pëlqen ta përkëdhelin, ta mbulojnë me puthje dhe të jetë në qendër të vëmendjes, si një mbret i vërtetë. Meshkujt e kësaj shenje shpeshherë fantazojnë të kenë eksperienca seksuale me dy partnere njëkohësisht.

Femra ideale për Luanin duhet t’i ketë flokët e gjatë dhe të çrregullt, gjoksin e fortë dhe të tonifikuar. Mund ta joshni, duke qenë të gatshme të eksperimentoni gjatë aktit seksual dhe njëkohësisht duke e përkëdhelur me ëmbëlsi dhe butësi.

 

Erotizmi i shenjës së Virgjëreshës                     

Meshkujt e shenjës së Virgjëreshës nuk humbasin shumë kohë me paralojën. U pëlqen të zhvishen shpejt dhe po aq shpejt duan ta shohin të zhveshur trupin e partneres. Por mos harroni që trupi duhet të jetë i larë, i parfumosur mirë. Duhet të jeni të kujdesshme deri në detajet më të imta.

Meshkujve të shenjës së Virgjëreshës u pëlqen të jenë të qetë për të “studiuar” trupin e partneres, sidomos pikat më të ndjeshme të saj, në mënyrë që pastaj të dinë të dhurojnë kënaqësinë më të madhe. Më pas, u pëlqen të mbyllin sytë, ndërkohë që duhet të jetë partnerja që duhet t’u dhurojë kënaqësi atyre, nëpërmjet “marifeteve” me duar dhe gjuhë.

Femra ideale është e hajthme, me gjoks të vogël dhe të pasme të tonifikuara mirë.

Josheni duke e ftuar në një dhomë të pastër, të parfumuar mirë, me drita të zbehta dhe duke i dhuruar një masazh sensual.

 

Erotizmi i shenjës së Peshores                 

Meshkujt e kësaj shenje pëlqejnë femrat e egra e që duan të argëtohen në shtrat. Zakonisht bien në dashuri me femra shumë të bukura. Por, nëse zbulojnë se partnerja e tyre nuk është aq inteligjente sa e kishin menduar, atëherë largohen njëherë e përgjithmonë. Meshkujt e Peshores vlerësojnë femrat e rafinuara, që kujdesen deri në detaje. Tërhiqen nga femrat që veshin të brendshme dhe aksesorë seksi. Ka shumë prej tyre që pëlqejnë masazhet dhe kërkojnë që të jetë femra ajo që drejton “lojën” sipas dëshirave të saj.

Femra ideale është shumë e bukur, me forma të rrumbullakosura, e rafinuar dhe e kujdesshme ndaj pamjes së jashtme.

Josheni nëpërmjet një debati inteligjent, por mos harroni edhe të brendshmet seksi e që nxisin fantazinë.

 

 

Erotizmi i shenjës së Akrepit                        

Sensualiteti është një veçori e dallueshme për meshkujt e kësaj shenje. Është pak e vështirë të joshësh meshkujt e Akrepit, sepse fantazia e tyre erotike është tejet e rafinuar dhe asgjë nuk përbën çudi për ta. Kjo shenjë është ndër të paktat që nuk pëlqejnë seksin oral. Nuk është se janë kundër, por nuk besojnë se nëpërmjet tij mund të arrihet një kënaqësi më e madhe seksuale.

Meshkujt e shenjës së Akrepit kanë një vetëkontroll për t’u pasur zili, por kur bie fjala për seksin, ata bëjnë një përjashtim. Kjo do të thotë që nuk duan t’ia dinë shumë as për vendin e as për orën, nëse janë të papërshtatshme.

Femra ideale është pasionante, që ruan disa sekrete për vete.

Nëse kërkoni të joshni një mashkull të shenjës së Akrepit, shtiruni sikur nuk ju intereson dhe shikojeni vëngër e me ligësi. Vetëm kështu do ta bëni që të lërë kokën pas jush.

 

 

Erotizmi i shenjës së Shigjetarit                                   

Meshkujt që i përkasin shenjës së Shigjetarit nuk kanë nevojë për teknika të veçanta joshjeje, sepse janë vetë femrat që bien shumë lehtë në dashuri me ta. Prandaj, mashkulli i Shigjetarit është në kërkim të një femre që “dorëzohet” me dëshirën e saj, teksa ai e provokon me fjalë dhe gjeste të thjeshta.

Të lindurit e kësaj shenje përjetojnë shumë orgazma, por nuk e kanë problem nëse partnerja nuk ka të njëjtat kërkesa si ai. Megjithatë, ndihen të bezdisur nga femrat që nuk arrijnë në orgazmë.

Femra ideale nuk ka karakteristika të veçanta fizikë, por duhet të ketë patjetër sensin e humorit dhe të aventurës, si dhe të jetë e qejfit dhe optimiste.

Meshkujt e Shigjetarit mund të joshen gjatë një mbrëmjeje të gëzueshme. Hidhni ndonjë batutë pikante, por jo fort të hidhët… dhe brenda 15 minutash të kësaj “beteje erotike” do të kurorëzoheni me një orgazmë që nuk ka të paguar.

 

 

Erotizmi i shenjës së Bricjapit                          

Meshkujt që i përkasin shenjës së Bricjapit arrijnë kënaqësinë në lidhjet sentimentale më më vonë se shenjat e tjera. Ata bëhen më joshës me kalimin e viteve, duke kultivuar edhe një autoritet më të madh.

Meshkujve të shenjës së Bricjapit iu pëlqen të bëjnë dashuri dhe mësojnë shumë shpejt si t’i falin kënaqësi një femre. Por nuk joshen dhe aq lehtë dhe për ta një trup i zhveshur nuk arrin t’i nxisë seksualisht.

Për të gjetur pikat e tyre të dobëta, është shumë më e vështirë nga ç’duket. Por, për femrat që ia arrijnë këtij qëllimi, ia vlen gjithë mundimi, sepse ato do të shpërblehen me kënaqësi të pafundme.

Fizikisht u pëlqejnë femrat në formën e “dardhës”, me vithe të bollshme, por e hajthme në pjesën e sipërme të trupit. Ajo duhet të jetë e kujdesshme në përzgjedhjen e të brendshmeve dhe të jetë gjithmonë e trukuar.

Josheni në një dhomë të ngrohtë, me një shtrat të bollshëm, duke degustuar dy gota verë së bashku.

 

 

 

Erotizmi i shenjës së Ujorit                       

Meshkujt e shenjës së Ujorit pëlqejnë temperaturat e nxehta dhe, kur bie fjala për seks, imagjinata e tij e çon në plazhet ekzotike a në një dhomë hoteli të ngrohur mirë. Nëse klima është e akullt, atëherë meshkujt e Ujorit do të jenë të ftohtë edhe gjatë aktit.

Të lindurit e kësaj shenje kanë një vetëvlerësim të madh për aftësitë e tyre seksuale. Ata pëlqejnë të flirtojnë, por rrallëherë i konkretizojnë në lidhje fizike. Janë tipa sportivë, prandaj janë në gjendje të dhurojnë një natë të tërë pasioni, por vetëm nëse është ndezur  shkëndija e dashurisë.

Femra e tyre ideale duhet ta vlerësojë seksin e ngadaltë, duke i paraprirë me një paralojë delikate. Gjithashtu, ata vlerësojnë shumë edhe komplimentet e shpeshta. Ndërsa të brendshmet seksi dhe truku janë detaje që nuk i kushtojnë shumë rëndësi.

Josheni me delikatesë, pa u treguar shumë agresive. Prisni momentin e duhur dhe mbulojeni me komplimente.

 

Erotizmi i shenjës së Peshqve                              

Është vështirë të kënaqësh meshkujt e shenjës së Peshqve, sepse ata kanë një natyrë të dyfishtë, që i bën të paparashikueshëm. Të lindurit e kësaj shenje pëlqejnë muzikën, sepse ajo i nxit të reagojnë në mënyrë sensuale. Iu pëlqen ta arrijnë orgazmën sipas ritmit të muzikës.

Nëse kërkoni të arrini kënaqësi seksuale, është shumë e rëndësishme që në sfond të vini pak muzikë, por jo shumë romantike. Më pas, ata do të dinë t’i dhurojnë një femre kënaqësinë më të madhe.

Femra ideale duhet të ketë shumë fantazi dhe të dijë të marrë iniciativën në momentin e duhur, që do të thotë se në seks duhet ta drejtojë ajo lojën.

Josheni me feminilitetin tuaj, që duhet të rrezatojë edhe në përzgjedhjen e rrobave e sidomos të të brendshmeve. Përdorni pak truk për të theksuar sharmin tuaj.

 

Next Page »